Սկսվել է «Նոա» – «Օլիմպիա» հանդիպման տոմսերի վաճառքը

Ֆուտբոլային ակումբ «Նոա»-ն հայտարարում է Կոնֆերենցիաների լիգայի փլեյ-օֆֆի պատասխան հանդիպման տոմսերի վաճառքի մեկնարկի մասին, որը կկայանա Սլովենիայի «Օլիմպիայի» դեմ։ Այս մասին տեղեկացնում է Հայաստանի գործող չեմպիոնի մամուլի ծառայությունը։

Երկրպագուները կարող են ձեռք բերել տոմսեր ակումբի պաշտոնական կայքից՝ noah.am։ Գինը տատանվում է 1500-ից 2000 դրամի սահմաններում։

Հանդիպումը կկայանա օգոստոսի 28-ին, Աբովյան քաղաքում, և կմեկնարկի ժամը 20:00-ին։

Հիշեցնենք, որ առաջին խաղում, որը կայացավ Լյուբլյանայում, հայկական ակումբը վստահ հաղթանակ տարավ Սլովենիայի չեմպիոնի նկատմամբ՝ 4:1 հաշվով, ապահովելով լուրջ առավելություն նախքան հայրենի խաղը։