ՉԼ կիսաեզրափակիչ․ GDS-ն ներկայացնում է «Ինտեր» – «Բարսելոնա» հանդիպման հավանական կազմերը

Այս երեկո Միլանի լեգենդար «Սան Սիրո» մարզադաշտում կկայանա Չեմպիոնների լիգայի կիսաեզրափակիչ փուլի պատասխան հանդիպումը «Ինտերի» և «Բարսելոնայի» միջև։ Իտալական Gazzetta dello Sport-ը հրապարակել է թիմերի հնարավոր մեկնարկային կազմերը։

Գլխավոր անակնկալը Լաուտարո Մարտինեսի հայտնվելն է մեկնարկային կազմում։ Չնայած նրան սպասվում էր մոտ երեքշաբաթյա բացակայություն վնասվածքի պատճառով, արգենտինացի հարձակվողը պատրաստ է դաշտ դուրս գալ։

«Ինտերի» կազմում միակ բացակա ֆուտբոլիստը Բենժամեն Պավարն է, ով նույնպես վնասվածք ունի։ Մնացած խաղացողները՝ Տյուրամը, Բաստոնին, Չալհանօղլուն և Մխիթարյանը, հասանելի են Սիմոնե Ինձագիի համար։

«Բարսելոնան» ունի զգալի կորուստներ․ հայտացուցակում չեն հայտնվել աջ պաշտպաններ Ժյուլ Կունդեն ու Ալեխանդրո Բալդեն, դարպասապահ Մարկ-Անդրե տեր Ստեգենը, ինչպես նաև Մարկ Կասադոն, Պաբլո Տոռեն ու Մարկ Բեռնալը։ Բայց հայտացուցակում կլինի Ռոբերտ Լևանդովսկին, ով ապաքինվել է վնասվածքից և, ամենայն հավանականությամբ, խաղը կսկսի պահեստայինների նստարանից։

Առաջին հանդիպումն ավարտվել էր գոլառատ ոչ-ոքիով՝ 3։3։ Եզրափակիչ դուրս գալու ճակատագիրը կորոշվի այսօր՝ մայիսի 6-ին, Միլանում։ Խաղի սկիզբը՝ Երևանի ժամանակով 23։00։

Մարզադաշտ՝ Ջուզեպպե Մեացցա, Միլան
Եղանակ՝ անձրև, +15°C
Դատավոր՝ Շիմոն Մարչինյակ (Լեհաստան)