Պաշտոնապես. «Փյունիկ» - «Արարատ-Արմենիա» հանդիպումը հետաձգվել է

Հայաստանի Սուպերգավաթի «Փյունիկ» - «Արարատ-Արմենիա» հանդիպումը այսօր չի կայանա։ Խաղը տեղափոխվել է այլ օր՝ Երևանում տեղացած առատ ձյան պատճառով։

Հանրապետական մարզադաշտի կոմունալ ծառայություններն ամբողջ օրը փորձել են դաշտը բերել խաղարկային վիճակի, սակայն ուժեղ ձյունը հաշված րոպեների ընթացքում կրկին ծածկել է դաշտը։

«Տեղեկացնում ենք, որ Հակոբ Տոնոյանի անվան Սուպերգավաթի խաղը չի կայանա։ Հայաստանի ֆուտբոլի ֆեդերացիայի, Հանրապետական մարզադաշտի և Ֆուտբոլի ակադեմիայի աշխատակիցներն արել են ամեն ինչ, որպեսզի մարզադաշտը համապատասխան տեսք ունենա, սակայն ուժեղ ձյան և անբարենպաստ եղանակային պայմանների պատճառով հանդիպումն անհնար է դարձել», – հայտնում է Հայաստանի ֆուտբոլի ֆեդերացիան։