«Միլանը» դուրս եկավ Իտալիայի Գավաթի եզրափակիչ՝ պատասխան հանդիպմանում ջախջախելով «Ինտերին»

Իտալիայի Գավաթի երկրորդ կիսաեզրափակիչը ավարտվեց «Միլանի» վստահ հաղթանակով սկզբունքային մրցակցի նկատմամբ։ «Սան Սիրո» մարզադաշտում կայացած պատասխան խաղում «ռոսոներիները» 3:0 հաշվով վստահ հաղթանակ տարան «Ինտերի» նկատմամբ՝ ընդհանուր 4:1 հաշվով դուրս գալով եզրափակիչ։

Հանդիպման հերոս դարձավ հարձակվող Լուկա Յովիչը, որը դուբլի հեղինակ դարձավ։ Եվս մեկ գոլի հեղինակ դարձավ Տիջանի Ռեյնդերսը։ Սերժիու Կոնսեյսաոյի սաներն ամբողջությամբ վերահսկում էին խաղը և ապացուցեցին իրենց առավելությունը միլանական դերբիում։

«Ինտերի» կազմում ամբողջ հանդիպումը անցկացրեց Հենրիխ Մխիթարյանը՝ SofaScore-ից ստանալով 6.5 գնահատական։ Չնայած հայ կիսապաշտպանի ջանքերին, «ներաձուրրիները» գունաթափ երևացին «Միլանի» մոտիվացված ֆոնի վրա։ Սիմոնե Ինձագիի թիմը զիջում էր բազմաթիվ ցուցանիշներով, հատկապես զգալի էր ֆիզիկական պատրաստվածության տարբերությունը։

Ընթացիկ մրցաշրջանում կողմերն արդեն հինգ անգամ են հանդիպել՝ երեք հաղթանակ «Միլանի» օգտին, իսկ երկու խաղ ավարտվել է ոչ ոքով։ Այս վիճակագրությունը հստակ ցույց է տալիս, թե ով էր գերակշռում Լոմբարդիայի մայրաքաղաքում 2024/25 մրցաշրջանում, նույնիսկ եթե «Ինտերը» առաջատարն է Սերիա Ա-ում, իսկ «Միլանը» միայն իններորդն է։

Մխիթարյանը հաջորդ Սերիա Ա-ի հանդիպումը բաց կթողնի որակազրկման պատճառով։ Սակայն հայ լեգեոների և նրա ակումբի առաջնահերթությունն այժմ Չեմպիոնների լիգայի կիսաեզրափակիչն է․ ապրիլի 30-ին «Ինտերը» հանդիպելու է «Բարսելոնայի» հետ։