Մխիթարյանը «Ինտերի» պարտության մասին «Յուվենտուսից». "Մենք չափազանց ինքնավստահ էինք"

Իտալիայի Սերիա A-ի 25-րդ տուրի շրջանակում «Յուվենտուսը» նվազագույն հաշվով 1:0 հաշվով հաղթեց «Ինտերին»։ Միակ գոլը հանդիպման 74-րդ րոպեին խփեց Ֆրանցիշկու Կոնսեյսաոն՝ Ռանդալ Կոլո Մուանիի տպավորիչ անցումից հետո։

«Ինտերի» կիսապաշտպան Հենրիխ Մխիթարյանը, ով անցկացրեց 80 րոպե խաղադաշտում և ցուցադրեց բարձր մակարդակի ֆուտբոլ, DAZN-ին տված հարցազրույցում խոսեց հանդիպումից հետո իր տպավորությունների մասին։

Հայ ֆուտբոլիստը նշեց, որ «Ինտերի» հանդերձարանում մթնոլորտը հիասթափեցնող էր, հատկապես՝ Լաուտարո Մարտինեսի համար.

"Դա նորմալ է, մենք թիմ ենք, որը միշտ ուզում է հաղթել։ Մենք նույնպես զայրացած էինք, քանի որ ստեղծեցինք բազմաթիվ պահեր, բայց չկարողացանք գրավել դարպասը։"

Մխիթարյանը նաև ընդունեց, որ երբեմն չափից դուրս ինքնավստահությունը կարող է վատ հետևանքներ ունենալ.

"Մենք անպարտելի չենք, բայց երբեմն թվում է՝ մեզ կանգնեցնել հնարավոր չէ։ Իմ մասին կասեմ՝ հասկանալով, թե որքան ուժեղ ենք, երբեմն խաղին մտնում ենք ոչ բավարար կենտրոնացած, և դրա համար էլ վճարում ենք։ Խնդիրը ոչ թե ֆիզիկական կամ տեխնիկական թուլության մեջ է, այլ գուցե այն, որ մեր ուժը երբեմն մեր թերությունն է դառնում։"

Խոսելով երկրորդ խաղակեսում թիմի խաղի անկման մասին՝ Մխիթարյանն ընդգծեց, որ հիմնականում դա մրցակցի արժանիքն էր.

"«Յուվեն» ավելացրեց խաղի տեմպը, փոխեց իր մոտեցումը։ Իսկ մենք, առաջին խաղակեսից հետո ինքնավստահություն զգալով, մտածեցինք, որ լիովին վերահսկում ենք հանդիպումը, ու դա մեզ հետ դաժան խաղ կատարեց։ Մենք նրանց չափից շատ հնարավորություն տվեցինք, ինչը չպետք է լիներ, բայց սա է ֆուտբոլը։"