«Ինտերը» հաղթեց «Սպարտային» Չեմպիոնների Լիգայում։ Մխիթարյանի խաղի վիճակագրությունը և գնահատականները

Չեմպիոնների Լիգայի հիմնական փուլի 7-րդ տուրում Միլանի «Ինտերը» 1:0 հաշվով հաղթեց չեխական «Սպարտային»՝ բարձրանալով մրցաշարային աղյուսակի 4-րդ հորիզոնական և ապահովելով տեղը փլեյ-օֆֆ փուլում։

Խաղի միակ գոլը 12-րդ րոպեին խփեց թիմի ավագ Լաուտարո Մարտինեսը։

Հենրիխ Մխիթարյանը խաղն սկսեց մեկնարկային կազմում և խաղադաշտում անցկացրեց ամբողջ հանդիպումը։ Հայ կիսապաշտպանի հաշվին գրանցվել են 2 առանցքային փոխանցում, 1 հարված դարպասին, 4 գնդակի վերադարձ և 92% փոխանցումների ճշգրտություն։

Իտալական մամուլը հետևյալ կերպ է գնահատել Մխիթարյանի խաղը «Սպարտայի» դեմ․

• Sport.virgilio.it (6): «Հազվադեպ ենք գնդակը տեսնում նրա ոտքերի տակ, սակայն նրա շարժումներն ազատ տարածություններ են ստեղծում, որոնցով օգտվում են Բաստոնին և Դիմարկոն։ Երկրորդ խաղակեսում չեխերի ինտենսիվությունը նվազում է»։
• Eurosport (5.5): «Ժամանակ առ ժամանակ անհստակ է փոխանցումներում, ինչպես նաև պարզ պահերի ժամանակ ճնշման տակ»։
• Calciomercato (5.5): «Հազվադեպ է բացվում, սակայն երկրորդ կեսում ավելի ակտիվ էր։ Այնուամենայնիվ, սա դեռևս Մխիթարյանի լավագույն մարզավիճակը չէ»։

Հիշեցնենք, որ Հենրիխ Մխիթարյանը վերջերս էր վերականգնվել վնասվածքից և առաջին անգամ դուրս եկավ մեկնարկային կազմում։