Հենրիխ Մխիթարյանը «Յուվենտուսի» դեմ: Վիճակագրություն և իտալական մամուլի գնահատականը

Իտալիայի Սերիա Ա-ի 25-րդ տուրի խաղում «Յուվենտուսը» սեփական դաշտում 1:0 հաշվով հաղթեց Միլանի «Ինտերին»: Հանդիպման միակ գոլը 74-րդ րոպեին խփեց Ֆրանսիշկու Կոնսեյսաուն՝ Ռանդալ Կոլո Մուանիի տպավորիչ անցումից հետո։

Հայ կիսապաշտպան Հենրիխ Մխիթարյանը խաղը սկսել է մեկնարկային կազմում և անցկացրել է դաշտում 80 րոպե։ Միկին լավ հանդիպում անցկացրեց՝ թույլ տալով նվազագույն քանակությամբ սխալներ։

Մխիթարյանի վիճակագրությունը խաղում

• Խաղային րոպեներ – 80
• Սպասվող գոլեր (xG) – 0.11
• Հարվածներ – 2
• ճշգրիտ փոխանցումներ – 33 (92%)
• Երկար փոխանցումներ – 3-ից 3
• Հաղթած մենապայքարներ – 5-ից 8
• Օդային մենապայքարներ – 1-ից 1
• Գնդակի կորուստներ – 4
• Խախտումներ – 1
• Իր վրա վաստակած խախտումներ – 3
• Գնդակի հեռացումներ – 2
• Խաղի ընթերցումներ – 3
• Ընդհատումներ – 2
• SofaScore գնահատական – 7.2

Իտալական մամուլի գնահատականները Մխիթարյանի խաղին

• Sport.virgilio (6): Լավ առաջին խաղակեսից հետո հայ կիսապաշտպանը երկրորդում փոքր-ինչ կորավ։
• Sportmediaset (6): Վերջին խաղերում որոշակի անկումից հետո Մխիթարյանը կարծես նորից վերագտել է իր վստահությունը՝ դառնալով հուսալի օղակ կիսապաշտպանությունում։
• Calciomercato (5.5): Մի փոքր ստվերում էր. նրա գոտին պահանջում էր մեծ աշխատանք։ Փորձեց խանգարել Կոլո Մուանիին, սակայն տուգանայինում նույնիսկ ամենափոքր շփումը կարող էր ճակատագրական լինել։
• Eurosport (5.5): Ակտիվ էր առաջին խաղակեսում՝ մասնակցելով խաղի երկու փուլերին։ Երկրորդում դանդաղեց ու դժվարություններ ունեցավ։ Փորձում էր ճնշում գործադրել մրցակիցների վրա, սակայն առանձնանալ չկարողացավ։
• Linterista (5): Ավելի շատ աչքի ընկավ պաշտպանական աշխատանքով, քան ստեղծագործական գործողություններով։ Սակայն Կոլո Մուանին հեշտությամբ անցավ նրան գոլի դրվագում։ Հարձակման մեջ գրեթե չէր մասնակցում, թույլ տվեց մի քանի անճշտություններ։