Հենրիխ Մխիթարյանը արժանացել է մեդիայի գովասանքին «Մոնակոյի» դեմ խաղի համար. Վիճակագրություն և գնահատական

Միլանի «Ինտերը» Չեմպիոնների լիգայի 8-րդ տուրի խաղում 3:0 հաշվով ջախջախեց «Մոնակոյին» և զբաղեցրեց 4-րդ տեղը մրցաշարային աղյուսակում, ինչը թույլ տվեց միլանցիներին անմիջապես անցնել 1/8 եզրափակիչ։

«Ինտերի» բոլոր երեք գոլերը խփեց Լաուտարո Մարտինեսը։ Հայազգի «ներաձուրրի» կիսապաշտպան Հենրիխ Մխիթարյանը խաղաց ամբողջ հանդիպումը և մասնակցեց իր թիմի երրորդ գոլին։ Մխիթարյանի հզոր հարվածից հետո գնդակը հետ մղվեց, և Մարտինեսն այն ուղարկեց արդեն դատարկ դարպասը։

Հենրիխ Մխիթարյանը «Մոնակոյի» դեմ

• Խաղային րոպեներ – 90+
• Ճշգրիտ փոխանցումներ – 57 (90%)
• Կենսական փոխանցումներ – 3
• Անցումներ – 2-ից 2
• Երկար փոխանցումներ – 3-ից 4
• Հարվածներ – 1 (1 դարպասին)
• Հաղթած մենապայքարներ – 2-ից 3
• Գնդակի կորուստներ – 8
• Օֆսայդներ – 1
• Գնդակի դուրսբերումներ – 1
• Խլումներ – 2
• SofaScore գնահատական – 7.5

Ինչպես գնահատեցին Մխիթարյանի խաղը իտալական ԶԼՄ-ները

• fcinter1908.it (7): Լաուտարոյի երրորդ գոլը հաջողության արդյունք էր և Մխիթարյանի բացառիկ ինտելեկտի դրսևորումը խաղադաշտում։ Նա գերազանց կառավարում է գնդակը կենտրոնում՝ ձևավորելով գեղեցիկ եռյակ Բաստոնիի և Դիմարկոյի հետ։

• calciomercato (7): Խաղաղ անցավ 60 մետր գնդակով և հուժկու հարվածեց, ինչը հնարավորություն տվեց Լաուտարոյին դարձնել հաշիվը 3:0։ Նա անթերի փոխանցումների շարք է կատարում իր բնորոշ սառնասրտությամբ։

• eurosport.it (6.5): Նա խաղում է դասական «գրասենյակային» ֆուտբոլ՝ առանց ցնցումների ու սխալների, բայց ապացուցում է, որ որակյալ ու հավասարակշռված խաղացող է։

• 90min.com (7): Սկսեց իրեն ավելի լավ զգալ, երբ մրցակիցը մնաց մեկ խաղացող պակասով, գերազանց համագործակցում էր թիմակիցների հետ, ոգեշնչում հարձակվողներին, ինչպես նաև որակյալ բացում էր խաղը և օգնում վերահսկել առավելությունը։ Նրա հակագրոհներից մեկը հանգեցրեց 3:0 հաշվի։

• tuttomercatoweb (7): Նա վերցնում է գնդակը և անցնում հարձակման այնպես, կարծես 20 տարեկան լինի՝ 60 մետր վազք տուգանայինից տուգանային՝ Լաուտարոյին 3:0 հաշիվ նվիրելու համար։