Էդուարդ Սպերցյանը՝ «Սոչիի» դեմ խաղի լավագույն ֆուտբոլիստը

Հայաստանի ազգային հավաքականի ֆուտբոլիստը և «Կրասնոդարի» ավագը՝ Էդուարդ Սպերցյանը, ճանաչվեց ՌՊԼ-ի 5-րդ տուրի «Սոչիի» դեմ հանդիպման լավագույն խաղացող։

«Կրասնոդարը» վստահ հաղթանակ տարավ՝ 5:1 հաշվով։ Սպերցյանը դուբլի հեղինակ դարձավ և նաև մեկ գոլային փոխանցում կատարեց։ Բացի դրանից, հայ կիսապաշտպանը առանձնացավ նաև խաղի այլ ասպեկտներում՝ կատարելով 6 կարևոր փոխանցում, ինչը տուրի լավագույն ցուցանիշներից է։ SofaScore-ը նրան տվեց առավելագույն գնահատականը՝ 10.0 բալ, ինչը չափազանց հազվադեպ է լինում։

Հինգ տուրերից հետո «Կրասնոդարը» 12 միավորով երկրորդ տեղում է, իսկ Սպերցյանի հաշվին արդեն կա 3 գոլ և 4 գոլային փոխանցում 5 խաղում։