Հայաստանի ազգային հավաքականի նախկին գլխավոր մարզիչը գլխավորեց «Սևիլիան»

Իսպանացի մասնագետ Խոակին Կապառոսը չորրորդ անգամ նշանակվել է «Սևիլիայի» գլխավոր մարզիչ։ 69-ամյա մասնագետի հետ պայմանագիրը ստորագրվել է մինչև ընթացիկ մրցաշրջանի ավարտը։ Նա փոխարինել է Ֆրանսիսկո Գարսիա Պիմենտային, ով հեռացվել է թիմի անբավարար արդյունքների պատճառով։

Կապառոսը պետք է անցկացնի 2024/25 մրցաշրջանի մնացած յոթ հանդիպումները։ Սա արդեն նրա չորրորդ վերադարձն է ակումբ. նախորդ անգամ նա գլխավորել է «Սևիլիան» 2000-2005 թթ․, ինչպես նաև 2017/18 և 2018/19 մրցաշրջաններում (վերջինում՝ 11 խաղի համար)։

Կապառոսի վերջին աշխատավայրն էր Հայաստանի ազգային հավաքականը, որը նա գլխավորել է 2020-ից մինչև 2022 թվականը։ Նրա գլխավորությամբ հայկական թիմը պատմական հաղթանակ տարավ Ազգերի լիգայի C դիվիզիոնի իր խմբում։