«Այաքսի» նախկին մարզիչը կգլխավորի Հայաստանի հավաքականը
Ինսայդեր Սուրեն Մելիքսեթյանի տեղեկությունների համաձայն՝ Հայաստանի հավաքականի նոր գլխավոր մարզիչը կլինի 61-ամյա հոլանդացի մասնագետ Յոհաննես Նիկոլաս վան ’տ Սխիփը։
Ջոն վան ’տ Սխիփը գլխավորել է «Այաքսը» 2023/24 մրցաշրջանում, ինչպես նաև նախկինում աշխատել է Հունաստանի ազգային հավաքականում և Նիդեռլանդների «Զվոլե» ակումբում։
Նախկինում վան ’տ Սխիփը հայտնի ֆուտբոլիստ էր, ով անցկացրել է ավելի քան 40 հանդիպում Նիդեռլանդների հավաքականի կազմում և հանդես եկել «Այաքսի» և «Ջենոայի» կազմում։
Հայաստանի հավաքականը նոր գլխավոր մարզչի որոնումներում է 2024 թվականի նոյեմբերից, երբ պաշտոնից հեռացվեց Ալեքսանդր Պետրակովը։ Մի հանդիպում թիմը անցկացրել է Սուրեն Չախալյանի ղեկավարությամբ։ Սակայն Ֆուտբոլի ֆեդերացիան խոստացել է նոր մարզիչ նշանակել մինչև Ազգերի լիգայում Վրաստանի դեմ հանդիպումները, որոնք կկայանան մարտի 20-ին և 23-ին։
Քննարկեք նորությունները!
Անցնել մեկնաբանություններին ↓
Comments
0