«Ավելի արագ էր, քան բոլոր երիտասարդները». Մխիթարյանի գնահատականը «Բավարիայի» դեմ հաղթանակում

Միլանի «Ինտերը» Չեմպիոնների լիգայի քառորդ եզրափակչի առաջին խաղում 2:1 հաշվով հաղթեց Մյունխենի «Բավարիային»։ Իտալացիների կազմում գոլերի հեղինակ դարձան Լաուտարո Մարտինեսն ու Դավիդե Ֆրատտեզին։ Հյուրերի միակ գոլը խփեց Թոմաս Մյուլերը։

Առաջին խաղակեսը անցավ հավասար պայքարում։ «Ինտերը» օգտվեց ազատ տարածությունից և բացեց խաղի հաշիվը փայլուն անհատական դրվագից հետո. Մարկուս Տյուրամի հզոր հարվածը կրնկով և Լաուտարո Մարտինեսի մեկ հպումով հարվածը ամբողջացրին կոմբինացիան։

Երկրորդ խաղակեսում «Բավարիան» զավթեց նախաձեռնությունը և լիովին դոմինանտ խաղ ցուցադրեց, սակայն «Ինտերը» վստահորեն պաշտպանվում էր։ 85-րդ րոպեին, երկրպագուների բուռն ծափողջույնների ներքո, փոխարինման դուրս եկած Թոմաս Մյուլերը հավասարեցրեց հաշիվը։ Սակայն մյունխենցիների ուրախությունը կարճ տևեց․ արդեն երեք րոպե անց Դավիդե Ֆրատտեզին, ով փոխարինել էր Հենրիխ Մխիթարյանին, նորից առաջ մղեց «Ինտերին»՝ Կառլոս Աուգուստոյի փոխանցումից հետո։

«Բավարիա» — «Ինտեր» 1:2։ Պատասխան խաղը կկայանա ապրիլի 16-ին։

Հենրիխ Մխիթարյանը սկսեց խաղը «Ինտերի» մեկնարկային կազմում և անցկացրեց դաշտում 74 րոպե՝ ստանալով դեղին քարտ։

Մխիթարյանի վիճակագրությունը․

• Ճշգրիտ փոխանցումներ՝ 50 (91%)

• Երկար փոխանցումներ՝ 1-ից 1

• Հաջող դրիբլինգ՝ 2-ից 2

• Հաղթած մենամարտեր՝ 10-ից 6

• Օդային մենամարտեր՝ 2-ից 2

• Գնդակի կորուստներ՝ 7

• Կատարված խախտումներ՝ 2

• Ինքի դեմ խախտումներ՝ 1

• Վրիպումներ՝ 1

• Գնդակի խլումներ՝ 3

• Դեղին քարտեր՝ 1

• SofaScore-ի գնահատական՝ 7.2

Իտալական մամուլի արձագանքը Մխիթարյանի խաղին․

Eurosport (7): Հարձակվողական և պաշտպանական աշխատանքը կատարում է խելացի և մեծ նվիրվածությամբ։ Միշտ իրադարձությունների կիզակետում է՝ անգնահատելի է։

Passione Inter (6.5): Օգտակար է գծերի միջև գնդակի տիրապետման ժամանակ և ոչ պակաս կարևոր է պաշտպանությունում։ Դաշտի ամենափորձառու խաղացողներից է, բայց վազում է ինչպես պատանի։

Calciomercato (6.5): Դիմացավ ծանր պայքարին Օլիզեի, Գորեցկայի և Լայմերի դեմ՝ և արդեն սա մեծ ձեռքբերում է։

Sport.virgilio (6.5): Ինձագիի ամենահավատարիմ հետևորդներից է՝ հայ ֆուտբոլիստը միշտ գիտի՝ ինչ, երբ և ինչպես անել։

Leggo (7): «Ես 36 տարեկան եմ, բայց դեռ լավն եմ» շարքից։ Վազում է ինչպես նորեկ, խլում է, վերադարձնում գնդակը, կազմակերպում և սկսում հարձակումները՝ այս ամենը՝ որակով ու փորձով։ Վետերան… կլոն։

Մյուս խաղում Լոնդոնի «Արսենալը» 3:0 հաշվով ջախջախեց Մադրիդի «Ռեալին»։ Դեկլան Ռայսը խփեց երկու ֆանտաստիկ գոլ տուգանայիններից, մեկ գոլ էլ Միկել Մերինոյինն էր։