Արթուր Միրանյանը գոլի հեղինակ դարձավ Իսրայելի առաջնությունում (ՏԵՍԱՆՅՈՒԹ)

Հայաստանի հավաքականի հարձակվող Արթուր Միրանյանը Իսրայելի առաջնությունում իր առաջին գոլն է խփել։ «Բնեյ Սախնին»-ի 29-ամյա հարձակվողը գոլի հեղինակ դարձավ իր լիգայի առաջին խաղում և օգնեց թիմին երկրորդ տուրում 2:1 հաշվով հաղթել «Աշդոդ»-ին։

Արդեն հանդիպման 3-րդ րոպեին Միրանյանը բացեց հաշիվը թիմակիցների գեղեցիկ կոմբինացիայից հետո։ Սա նրա առաջին խաղն էր Իսրայելի Պրեմիեր լիգայի նոր մրցաշրջանում․ մինչ այդ նա մասնակցել էր միայն Իսրայելի Գավաթի խաղարկությանը, իսկ առաջին տուրի հանդիպումը բաց էր թողել։

Միրանյանի վիճակագրությունը հանդիպմանը․

• Խաղադաշտում անցկացրած րոպեներ՝ 90+

• Գոլեր՝ 1

• Հարվածներ՝ 2 (1 դարպասին)

• Հաջող դրիբլինգներ՝ 1/2

• Ճշգրիտ փոխանցումներ՝ 14 (74%)

• Կարևոր փոխանցումներ՝ 2

• Հաղթած մենապայքարներ՝ 2/7

• Օդային մենապայքարներ՝ 1/3

• Գնդակի կորուստներ՝ 12

• Խախտումներ՝ 0

• Նրա դեմ խախտումներ՝ 1

• Ընդհատումներ՝ 1

• SofaScore գնահատական՝ 7.3

Նշենք, որ Հայաստանի հավաքականի առաջիկա խաղերին՝ Պորտուգալիայի և Իռլանդիայի դեմ, Արթուր Միրանյանը հրավիրված չէ։