Բրյուգեի հաջողության հայկական հետքը Չեմպիոնների լիգայում

Երեկ «Բրյուգեն» անակնկալ մատուցեց՝ հասնելով Չեմպիոնների լիգայի 1/8 եզրափակիչ՝ երկու անգամ հաղթելով Եվրոպայի լիգայի չեմպիոն «Ատալանտային»։ Առաջին խաղում բելգիացիները հաղթեցին 2:1 իրենց հարկի տակ, իսկ պատասխան հանդիպման ընթացքում համոզիչ հաղթանակ տարան՝ 3:1 հաշվով՝ Բերգամոյում։

Այժմ 1/8 եզրափակչում «Բրյուգեն» կարող է հանդիպել «Լիլին» կամ «Աստոն Վիլլային»։ Սպասվում է լարված պայքար, սակայն նման վստահ ելույթներից հետո թիմը պատրաստ է ավելի առաջ գնալ։

Հետաքրքիր է, որ «Բրյուգեն» մեծ դժվարությամբ դուրս եկավ փլեյ-օֆֆ՝ զբաղեցնելով 24-րդ տեղը և գերազանցելով «Դինամո Զագրեբին» միայն լրացուցիչ ցուցանիշներով։ Իսկ «Ատալանտան» շատ հաջող ելույթ ունեցավ հիմնական փուլում՝ մեկ քայլով մոտենալով լավագույն ութնյակին։

Այս պատմության մեջ առանձնահատուկ ուշադրության է արժանանում հայկական մասնագետի դերը։ «Բրյուգեի» գլխավոր մարզչի օգնականն է 31-ամյա Հայկ Մելքոնյանը, ավելի հայտնի որպես Հայկ Միլկոն (Hayk Milkon)։ Այս խոստումնալից մարզիչը ծնվել է Բեյրութում և 2021 թվականից աշխատում է բելգիական ակումբի համակարգում։ 2024 թվականի հունվարին նա նշանակվեց գլխավոր մարզչի օգնական, դառնալով մարզչական շտաբի ամենաերիտասարդ մասնագետներից մեկը։

Հայկ Միլկոնն ունի UEFA-PRO լիցենզիա։ Նա ակտիվորեն պատրաստվում է գլխավոր մարզչի կարիերային և արդեն հասցրել է իր անունը հաստատել՝ աշխատելով «Բրյուգեի», «Գենտի» և «Մեխելենի» երիտասարդական թիմերի հետ։