«Դուք քանդում եք հայկական ֆուտբոլը» – Արաս Օզբիլիսը հայտարարություն է արել

Հայաստանի ազգային հավաքականի նախկին ֆուտբոլիստ Արաս Օզբիլիսը, արձագանքելով Հայաստանի հավաքականի 1-6 հաշվով պարտությանը Վրաստանից, հանդես է եկել հայտարարությամբ՝ պահանջելով Հայաստանի ֆուտբոլի ֆեդերացիայի ղեկավարության փոփոխություն։

«Մեկ տարի և երեք ամիս առաջ ես առաջադրվեցի Հայաստանի ֆուտբոլի ֆեդերացիայի նախագահի պաշտոնի համար, գիտակցելով, որ չեմ ունենա հաղթելու հնարավորություն։ Երկար ժամանակ ես լռում էի, բայց այլևս չեմ կարող, որովհետև դուք քանդում եք հայկական ֆուտբոլը։

Այն ժամանակ դուք ասում էիք. «Օզբիլիսը չունի կառավարման փորձ»։ Բայց հենց այս հարցում դուք ամբողջովին ձախողվել եք, և ամեն անգամ ավելի ու ավելի։ Ձեզ պակասում է ֆուտբոլային ընկալումը՝ դա ակնհայտ է։ Բայց ավելի վատն այն է, որ դուք ոչ կոմպետենտ եք նաև կառավարման ոլորտում։ Դուք ձախողվել եք ադմինիստրատիվ կառավարման, մարքեթինգի, ֆինանսների և իրավական հարցերում։

Բայց ամենասարսափելին այն է, որ մարդիկ կորցրել են իրենց հույսն ու հավատը։

Ֆուտբոլում կարող ես հաղթել և պարտվել։ Բայց այսօրվա իրավիճակը ձեր աշխատանքի ուղիղ հետևանքն է։

Ժամանակն է փոփոխությունների», – ասել է Արաս Օզբիլիսը իր սոցիալական ցանցերում։

Հիշեցնենք, որ Արաս Օզբիլիսը 2023 թվականին առաջադրվել էր Հայաստանի ֆուտբոլի ֆեդերացիայի նախագահի պաշտոնում, սակայն ընտրություններում պարտվել էր Արմեն Մելիքբեկյանին։ Ներկայումս նա աշխատում է «Ուրարտու» ակումբի կառուցվածքում։

Արաս Օզբիլիսի հաշվին Հայաստանի հավաքականի կազմում կա 41 հանդիպում և 6 գոլ։