Արամ Բաքլաչյանը Թաիլանդում վաղաժամ հաղթանակ է տարել և նվաճել չեմպիոնական գոտին

Հայ քիքբռնցքամարտիկ Արամ Բաքլաչյանը տպավորիչ հաղթանակ է տարել Թաիլանդում կայացած Patong Combat League մրցաշարում և նվաճել կազմակերպության չեմպիոնական գոտին թեթևագույն քաշային կարգում։

Մենամարտը տեղի է ունեցել նոյեմբերի 4-ին Թաիլանդի Պատոնգ քաղաքում։ Հայ մարզիկի մրցակիցը եղել է Թաիլանդի ներկայացուցիչ Հաոյայը։

Բաքլաչյանը վստահ ելույթ է ունեցել և մենամարտն ավարտել վաղաժամ՝ արդեն երկրորդ ռաունդում։ Մի շարք նոկդաուններից հետո թաիլանդցի մարզիկը չի կարողացել շարունակել պայքարը, և հաղթանակը շնորհվել է Հայաստանի ներկայացուցչին։

Այս հաջողության շնորհիվ Արամ Բաքլաչյանը նվաճել է Patong Combat League-ի չեմպիոնական գոտին թեթևագույն քաշային կարգում՝ իր նվաճումների շարքը համալրելով պրոֆեսիոնալ ռինգում ևս մեկ կարևոր հաղթանակով։