ՓՍԺ-ն դուրս եկավ Չեմպիոնների Լիգայի եզրափակիչ՝ հաղթելով «Արսենալ»-ին
«ՓՍԺ»-ն դուրս է եկել ՈւԵՖԱ-ի Չեմպիոնների լիգայի եզրափակիչ՝ երկու խաղերի արդյունքում 3։1 հաշվով հաղթելով Լոնդոնի «Արսենալ»-ին։
«Էմիրեյթս» մարզադաշտում առաջին կիսեզրափակիչ խաղում նվազագույն՝ 1։0 հաշվով հաղթանակից հետո, Լուիս Էնրիկեի թիմը կրկին ուժեղ գտնվեց՝ այս անգամ սեփական հարկի տակ։ 27-րդ րոպեին հաշիվը բացեց Ֆաբիան Ռուիսը, իսկ երկրորդ խաղակեսում տանտերերի առավելությունը կրկնապատկեց Աշրաֆ Հակիմին՝ 72-րդ րոպեին։ «Արսենալ»-ը կարողացավ պատասխանել միայն մեկ գնդակով․ 87-րդ րոպեին գոլի հեղինակ դարձավ Բուկայո Սական, սակայն Միկել Արտետայի թիմին չհերիքեց ժամանակն ու ուժերը։
ՈւԵՖԱ-ի վարկանիշով խաղի լավագույն ֆուտբոլիստ ճանաչվեց Աշրաֆ Հակիմին։
Այսպիսով, մայիսի 31-ին Մյունխենի «Ալիանց Արենա» մարզադաշտում կայանալիք եզրափակչում ՓՍԺ-ն կհանդիպի Միլանի «Ինտեր»-ին։ Սա կլինի փարիզցիների առաջին եզրափակիչը 2020 թվականից ի վեր։
Քննարկեք նորությունները!
Անցնել մեկնաբանություններին ↓
Comments
0