«Նոան» երրորդ հաղթանակը տարավ Դոհայում մարզական հավաքի ընթացքում

Հայաստանի առաջնության առաջատար ՖԱ «Նոան» 3:0 հաշվով հաղթեց Քաթարի Բարձրագույն լիգայի «Ալ-Ղարաֆա» ակումբին Դոհայում մարզական հավաքի ընթացքում։

Հայկական թիմի կազմում Գոնսալու Գրեգորիուն դուբլ կատարեց, ևս մեկ գոլի հեղինակ դարձավ թիմի ավագ Հովհաննես Համբարձումյանը։

Ավելի վաղ Քաթարի հավաքի ընթացքում «Նոան» հաղթել էր «Զենիթին» (2:1) և «Ալ-Մաշաֆին» (8:0)։ «Նոան» Դոհայում կմնա մինչև փետրվարի 10-ը։