Միլո Գարվանյանը հաղթական ասսիստ է կատարել ԱՄՆ-ի գավաթում

25-ամյա հայկական ծագում ունեցող կիսապաշտպան Միլո Գարվանյանը, որը հանդես է գալիս Chattanooga FC ակումբում, հաղթանակ պարգևեց ԱՄՆ-ի գավաթում Corpus Christi-ի դեմ խաղում՝ լրացուցիչ ժամանակում կատարելով ասսիստ:

Հիմնական ժամանակը ավարտվեց 0-0 հաշվով, իսկ 112-րդ րոպեին Միլո Գարվանյանը ճշգրիտ փոխանցում կատարեց հարձակվող Մարուկս Նագլեստադին, որը գոլ խփեց և հաղթանակ բերեց:

Տեսանյութ:

Միլո Գարվանյանը նախկինում ընտրվել էր MLS-ի «Մոնրեալ» ակումբի կողմից դրաֆթում, բայց այդպես էլ չի խաղացել այդ թիմի կազմում: Ներկայումս նա հանդես է գալիս MLS Next Pro-ի երկրորդ լիգայում՝ Chattanooga FC ակումբի կազմում: Անցած մրցաշրջանում նա խփել է 5 գոլ և կատարել 7 գոլային փոխանցում, իսկ այս մրցաշրջանում արդեն խփել է մեկ գոլ և կատարել մեկ ասսիստ երեք խաղում: