Մաքսիմ Պալիենկոն տեղափոխվեց «Ուրարտու»

Պաշտոնական. Ռուս ֆուտբոլիստ Մաքսիմ Պալիենկոն տեղափոխվեց երևանյան «Ուրարտու»՝ ՌՊԼ-ի «Ակրոն» ակումբից։

30-ամյա կիսապաշտպանը ընթացիկ մրցաշրջանում ՌՊԼ-ում անցկացրել է 8 հանդիպում և խփել 1 գոլ, ինչպես նաև մասնակցել է Ռուսաստանի գավաթի 6 խաղերի՝ խփելով 1 գոլ։

Իր կարիերայի ընթացքում ֆուտբոլիստը հանդես է եկել այնպիսի ռուսական ակումբներում, ինչպիսիք են՝ «Կրիլյա Սովետովը», «Զենիթը», «Տոսնոն», «Պարի Նիժնի Նովգորոդը», «Չայկան», «Օրենբուրգը» և «Ակրոնը»։

Կիսապաշտպանը «Ուրարտու» տեղափոխվեց «Ակրոնից», որի կազմում անցկացրել է վերջին 4 մրցաշրջանները։ Նշենք նաև, որ Պալիենկոն երկու անգամ դարձել է Ռուսաստանի գավաթի հաղթող («Զենիթ»՝ 2015/16, «Տոսնո»՝ 2017/18), ինչպես նաև հաղթել է Ռուսաստանի Առաջին լիգայում («Կրիլյա Սովետով»՝ 2014/15)։