Gazzetta dello Sport-ը համեմատում է ներկայիս «Ինտերը» լեգենդար 2009/10-ի թիմի հետ

Իտալական Gazzetta dello Sport պարբերականը հրապարակել է նյութ, որտեղ զուգահեռներ է անցկացնում ներկայիս Միլանի «Ինտերի» կազմի և Ժոզե Մոուրինյոյի ղեկավարած 2009/10 մրցաշրջանի թիմի միջև, որը սենսացիոն կերպով կիսաեզրափակչում դուրս մղեց «Բարսելոնային» և ապա եզրափակչում հաղթեց «Բավարիային»՝ նվաճելով Չեմպիոնների լիգայի գավաթը։

Համեմատության առիթ է հանդիսացել առաջիկա պատասխան կիսաեզրափակիչը՝ կրկին «Բարսելոնայի» դեմ։ GDS-ի լրագրողները համեմատել են խաղացողներին ըստ դիրքերի՝ նշելով, թե ինչպես է փոխվել թիմը 15 տարվա ընթացքում՝ պահպանելով մարտական ոգին և ռազմավարական ուժը։

Gazzetta dello Sport-ի կարծիքով՝ Հայաստանի կիսապաշտպան Հենրիխ Մխիթարյանը նման է ներկայիս «Յուվենտուսի» գլխավոր մարզիչ Տիագո Մոտտային, ով 2009/10-ին «Ինտերի» կիսապաշտպանության առաջատարներից էր։

Ահա հիմնական համեմատությունները․

• Հենրիխ Մխիթարյան (Հայաստան) – Տիագո Մոտտա (Իտալիա/Բրազիլիա)

• Յան Զոմմեր (Շվեյցարիա) – Ժուլիո Սեզար (Բրազիլիա)

• Ֆրանչեսկո Աչերբի – Վալտեր Սամուել (Արգենտինա)

• Ալեսանդրո Բաստոնի (Իտալիա) – Խավիեր Ձանետտի (Արգենտինա)

• Յանն Բիսսեկ (Գերմանիա) – Լյուսիո (Բրազիլիա)

• Դենզել Դյումֆրիս (Նիդերլանդներ) – Մայկոն (Բրազիլիա)

• Ֆեդերիկո Դիմարկո (Իտալիա) – Գորան Պանդև (Հյուսիսային Մակեդոնիա)

• Նիկոլո Բարելլա (Իտալիա) – Էստեբան Կամբիասսո (Արգենտինա)

• Հական Չալհանօղլու (Թուրքիա) – Ուեսլի Սնեյդեր (Նիդերլանդներ)

• Մարկյուս Տյուրամ (Ֆրանսիա) – Սամուել Էտո’օ (Կամերուն)

• Լաուտարո Մարտինես (Արգենտինա) – Դիեգո Միլիտո (Արգենտինա)