Արտեմ Բանդիկյանն իր նորամուտը նշեց Ռուսաստանի Պրեմիեր լիգայում

Հայաստանի Մ21 ազգային հավաքականի և Մոսկվայի ԲԿՄԱ-ի 19-ամյա պաշտպան Արտյոմ Բանդիկյանը առաջին անգամ հանդես եկավ Ռուսաստանի Պրեմիեր Լիգայում։ Նա դուրս եկավ փոխարինման 22-րդ տուրի՝ Մախաչկալայի «Դինամոյի» դեմ հանդիպման ընթացքում։

Բանդիկյանը դաշտ դուրս եկավ 87-րդ րոպեին՝ փոխարինելով Աբբոսբեկ Ֆայզուլաևին, երբ հաշիվը 2:0 էր ԲԿՄԱ-ի օգտին։ Հանդիպումն ավարտվեց նույն արդյունքով։

Դաշտում անցկացրած 8 րոպեների ընթացքում հայ ֆուտբոլիստը հասցրեց 5 անգամ դիպչել գնդակին և կատարել 3 ճշգրիտ փոխանցում։

Բանդիկյանը ԲԿՄԱ-ի երիտասարդական թիմի ավագն է և վստահ խաղ է ցուցադրում Երիտասարդական ֆուտբոլային լիգայում. 24 խաղում նա խփել է 4 գոլ և կատարել 2 գոլային փոխանցում։ Ավելի վաղ նա արդեն մարզվել էր հիմնական թիմի հետ և մասնակցել արտասահմանյան հավաքների, սակայն պաշտոնական դեբյուտը ՌՊԼ-ում կայացավ միայն մարտի 29-ին։

Միջազգային մակարդակում Բանդիկյանը 1 հանդիպում է անցկացրել Հայաստանի Մ21 հավաքականի կազմում և 2 հանդիպում՝ Մ19 թիմի հետ։