Ստյոպա Մկրտչյանն օգնեց «Նյուրնբերգին» հաղթել «Դարմշտադտին» և բարձրանալ երկրորդ հորիզոնական

«Նյուրնբերգը» Երկրորդ Բունդեսլիգայի 11-րդ տուրում 2:0 հաշվով հաղթեց «Դարմշտադտին»։ Այս հաղթանակի շնորհիվ թիմը մրցաշարային աղյուսակում բարձրացավ երկրորդ հորիզոնական։

Հայաստանի հավաքականի պաշտպան Ստյոպա Մկրտչյանը խաղադաշտ դուրս եկավ մեկնարկային կազմում և մասնակցեց ամբողջ հանդիպմանը՝ օգնելով իր թիմին անառիկ պահել դարպասը։

Հայ ֆուտբոլիստը կատարեց 80 ճշգրիտ փոխանցում՝ 96% ճշգրտությամբ, ինչպես նաև գրանցեց երեք ընդհատում և երկու խլում։ Իր ելույթի համար Մկրտչյանը SofaScore-ից ստացավ 7,4 գնահատական։

Ստյոպա Մկրտչյանի վիճակագրությունը.

• Ճշգրիտ փոխանցումներ՝ 80 (96%)

• Գնդակի կորուստներ՝ 5

• Խլումներ՝ 2

• Ընդհատումներ՝ 3

• Գնդակի հեռացումներ՝ 1

• Գնդակի վերադարձներ՝ 4

• Հաղթած մենապայքարներ՝ 2՝ 5-ից

• Հաղթած օդային մենապայքարներ՝ 1՝ 4-ից

• Կանոնների խախտումներ՝ 4

• SofaScore-ի գնահատական՝ 7,4

Այս հանդիպումից հետո պաշտպանը կմիանա Հայաստանի հավաքականին՝ Ազգերի լիգայում Կիպրոսի և Լատվիայի դեմ խաղերին մասնակցելու համար։