Չեմպիոնների լիգա․ «Սեն Ժիլուազ» — «Ինտեր» հանդիպման մեկնարկային կազմերը

Այսօր՝ հոկտեմբերի 21-ին, Անդերլեխտում կմեկնարկի 2025/26 մրցաշրջանի Չեմպիոնների լիգայի երրորդ տուրի հանդիպումը՝ մրցաշարի նորեկ Բելգիայի «Սեն Ժիլուազի» և անցյալ տարվա ֆինալիստ Իտալիայի «Ինտերի» միջև։

Երկու թիմերն էլ արդեն հայտարարել են իրենց մեկնարկային կազմերը։ Ավանդույթի համաձայն՝ Սերիա A-ի հագեցած խաղացանկից հետո 36-ամյա Հենրիխ Մխիթարյանը խաղը կսկսի պահեստայինների նստարանին՝ ինչպես նաև մի քանի հիմնական խաղացողներ։ Նախորդ խաղում՝ «Ռոմայի» դեմ, հայկական կիսապաշտպանը դաշտում անցկացրեց ամբողջ 90 րոպեն և լավագույններից էր, սակայն այսօր նրա տեղը մեկնարկային կազմում զբաղեցրել է Պյոտր Զելինսկին։

Թիմերի մեկնարկային կազմերը՝

«Սեն Ժիլուազ» — Սխերպե, Խալայլի, ՄաքԱլիսթեր, Բերջես, Լեյսեն — Վան դե Պեռե, Զորգան, Ռասմուսսեն — Այթ Էլ Հաջ, Դավիդ, Նյանգ։

«Ինտեր» — Զոմմեր, Բիսեկ, Դե Վրեյ, Բաստոնի — Դյումֆրիս, Ֆրատտեզի, Չալխանօղլու, Զելինսկի, Կառլոս Ավգուստո — Մարտինես, Էսպոզիտո։

Հանդիպման սկիզբը՝ ժամը 23:00 Երևանի ժամանակով (22:00 Մոսկվայի ժամանակով)։