Մրցաշարային ցանցերը․ 2025թ․ Եվրոպայի առաջնություն ազատ ըմբշամարտում

Ապրիլի 6-ին Բրատիսլավայում կայացավ 2025 թվականի ազատ ոճի ըմբշամարտի Եվրոպայի առաջնության վիճակահանությունը։ Հայտնի դարձան բոլոր տաս քաշային կարգերի մրցաշարային ցանցերը, և հայ ըմբիշներն արդեն գիտեն իրենց առաջին մրցակիցներին։

Մրցումները կանցկացվեն ապրիլի 7-ին և 8-ին։ Առաջին օրը գոտեմարտի դուրս կգան 57, 65, 70, 79 և 97 կգ քաշային կարգերի ըմբիշները, իսկ երկրորդ օրը՝ 61, 74, 86, 92 և 125 կգ ըմբիշները։

Եվրոպայի առաջնություն 2025․ բոլոր մրցաշարային ցանցերը
Հայ ըմբիշները և նրանց հնարավոր ուղիները

57 կգ — Մանվել Խնձրցյան
1/4 եզրափակիչ՝ Խնձրցյան — Նաչին Մոնգուշ (Ռուսաստան) / Իվայլո Տլիսով (Հյուսիսային Մակեդոնիա) զույգի հաղթող։
Արդեն մեկնարկում հնարավոր է հանդիպում այս քաշայինի ֆավորիտ Մոնգուշի հետ։

61 կգ — Արսեն Հարությունյան
1/8 եզրափակիչ՝ Հարությունյան — Ստիլիան Իլիև (Բուլղարիա)։
Նույն ցանցում է Զելիմխան Աբակարովի հետ։ Հաջող ելույթի դեպքում հնարավոր է հանդիպում կիսաեզրափակչում։

65 կգ — Վազգեն Թևանյան
1/8 եզրափակիչ՝ Թևանյան — Իսլամ Հուսեյնով (Բելառուս)։
1/4-ում կարող է հանդիպել Իբրահիմ Իբրահիմովի հետ՝ քաշայինի ֆավորիտներից մեկի։

70 կգ — Արման Անդրեասյան
1/8 եզրափակիչ՝ Անդրեասյան — Մատեուշ Լուչշինսկի (Լեհաստան)։
Մինչ եզրափակիչ հնարավոր է կիսաեզրափակչում հանդիպում Ակակի Քեմերթելիձեի հետ։ Արմանը նրան արդեն երկու անգամ հաղթել է։

74 կգ — Նարեկ Հարությունյան
1/8 եզրափակիչ՝ Հարությունյան — Մուրադ Կուրամագոմեդով (Հունգարիա)։
Դժվար, բայց հաղթահարելի մեկնարկ։ Կիսաեզրափակչում հնարավոր է հանդիպում Զաուրբեկ Սիդակովի կամ Դավիթ Սալքազանովի հետ։

79 կգ — Հայկ Պապիկյան
1/8 եզրափակիչ՝ Պապիկյան — Վասիլի Միխայլով (Ուկրաինա)։
Քառորդ եզրափակչում կարող է հանդիպել գործող աշխարհի և Եվրոպայի չեմպիոն Ահմեդ Ուսմանովի հետ։

86 կգ — Հայաստանի ներկայացուցիչը բացակայում է

92 կգ — Հայաստանի ներկայացուցիչը բացակայում է

97 կգ — Գուրգեն Սիմոնյան
1/8 եզրափակիչ՝ Սիմոնյան — Մագոմեդ Կուրբանով (Ռուսաստան)։
Մեկնարկում՝ մրցաշարի ֆավորիտներից մեկը։ Կուրբանովը ՌԴ կազմում ընդգրկվել է վերջին պահին՝ Աբդուլռաշիդ Սադուլաևին վիզայի մերժումից հետո, ինչը կարող է ազդել նրա մարզավիճակի վրա։

125 կգ — Հայաստանի ներկայացուցիչը բացակայում է