Հայաստանի մինչև 19 տարեկանների հավաքականը ավարտեց Եվրոպայի առաջնության ընտրական երկրորդ փուլի ելույթը

Հայաստանի մինչև 19 տարեկանների կանանց հավաքականը ավարտեց իր ելույթը մինչև 19 տարեկանների աղջիկների Եվրոպայի առաջնության ընտրական երկրորդ փուլում։ B լիգայի B4 խմբի մրցաշարը անցկացվեց Լյուքսեմբուրգում։

Վերջին տուրում Մարիամ Ստեփանյանի գլխավորած թիմը հանդիպեց Բոսնիա և Հերցեգովինայի հավաքականի հետ։ Հայկական թիմը պարտվեց մրցակցին՝ 1:3 հաշվով։ Հայաստանի հավաքականի կազմում միակ գոլը 29-րդ րոպեին խփեց Ռուզաննա Ինջյանը։

Երեք տուրերի արդյունքում Հայաստանի հավաքականը չկարողացավ միավորներ վաստակել և խմբի մրցաշարային աղյուսակում զբաղեցրեց չորրորդ տեղը։

B4 խմբի վերջնական դասավորությունը

• Բոսնիա և Հերցեգովինա — 7 միավոր

• Բելառուս — 7 միավոր

• Լյուքսեմբուրգ — 3 միավոր

• Հայաստան — 0 միավոր

Հայաստանի U19 հավաքականի հանդիպումների արդյունքները

• Հայաստան — Բոսնիա և Հերցեգովինա — 1:3

• Հայաստան — Լյուքսեմբուրգ — 0:5

• Հայաստան — Բելառուս — 0:2