Հայաստանի կանանց բռնցքամարտի հավաքականը Բուլղարիայում ավարտում է նախապատրաստությունը աշխարհի առաջնությանը

Հայաստանի կանանց բռնցքամարտի հավաքականը վերջին նախապատրաստական փուլն է անցկացնում Սոֆիայում՝ Բելգրադ մեկնելուց առաջ, որտեղ մարտի 9-ին կմեկնարկի կանանց աշխարհի առաջնությունը բռնցքամարտում։

Գլխավոր մարզիչ Վազգեն Բադալյանի ղեկավարությամբ հայ մարզուհիները սպարինգներ են անցկացնում բուլղարացի բռնցքամարտիկների հետ։ Այս ստուգողական մենամարտերը հնարավորություն են տալիս գնահատել մարզիկների մարզավիճակը և կատարել տակտիկական ճշգրտումներ տարվա գլխավոր մրցաշարից առաջ։

Արդեն վաղը թիմը կմեկնի Սերբիա։ Մարտի 8-ին կկայանա վիճակահանությունը, իսկ մարտի 9-ին կմեկնարկեն աշխարհի առաջնության մենամարտերը։

Հայաստանի հավաքականի կազմը

50 կգ – Անուշ Գրիգորյան
54 կգ – Եկատերինա Սիչևա
60 կգ – Սոնա Հարությունյան
63 կգ – Էլիդա Քոչարյան

Ցավոք, 2022 թվականի Եվրոպայի չեմպիոն Անի Հովսեփյանը (70 կգ) ստիպված է բաց թողնել մրցաշարը վնասվածքի պատճառով։