Հայաստանի կանանց բասկետբոլի հավաքականն առաջին անգամ վերջին 15 տարում ընդգրկվել է FIBA-ի վարկանիշային աղյուսակում:

Միջազգային բասկետբոլի ֆեդերացիան (FIBA) հրապարակել է ազգային հավաքականների թարմացված վարկանիշային աղյուսակը, որտեղ վերջին 15 տարում առաջին անգամ հայտնվել է Հայաստանի կանանց հավաքականը: Թիմը զբաղեցրել է 87-րդ հորիզոնականը 118 երկրների մեջ, ինչը Հայաստանի բասկետբոլի զարգացման համար կարևոր քայլ է:

Վարկանիշային աղյուսակում հայտնվելը հնարավոր է դարձել Հայաստանի հավաքականի մասնակցության շնորհիվ 2024 թվականին կայացած Փոքր երկրների Եվրոպայի առաջնությանը: Մրցաշարում հայկական թիմը զբաղեցրել է 6-րդ տեղը՝ ցուցաբերելով առաջընթաց և իրավունք ձեռք բերելով ընդգրկվելու համաշխարհային վարկանիշային աղյուսակում:

FIBA-ի վարկանիշային աղյուսակի թոփ 10-ում ավանդաբար ընդգրկվել են աշխարհի ուժեղագույն հավաքականները՝ ԱՄՆ, Ավստրալիա, Ֆրանսիա, Չինաստան, Իսպանիա, Բելգիա, Կանադա, Սերբիա, Ճապոնիա և Բրազիլիա:

Ամբողջական վարկանիշային աղյուսակը կարելի է ծանոթանալ FIBA-ի պաշտոնական կայքում: