Ժան-Պոլ Բոսնոյանը իր դեբյուտն է նշում UFC-ում փետրվարի 21-ին Հյուսթոնում
Photo by Chris Unger/Zuffa LLC
- Հեղինակ: Vahe Hakobyan
- Sportaran
26-ամյա, հայկական արմատներ ունեցող Ժան-Պոլ Բոսնոյանը (9-2) փետրվարի 21-ին Հյուսթոնում անցկացվող մրցաշարում կանցկացնի իր դեբյուտային մենամարտը UFC-ում։
Dana White’s Contender Series մրցաշարի հաղթողը իր կարիերան աշխարհի ամենահզոր լիգայում կսկսի փորձառու Օսթին Վանդերֆորդի (13-3) դեմ մենամարտով։ Վանդերֆորդի համար սա կլինի UFC-ի շրջանակում երրորդ ելույթը (կազմակերպությունում ռեկորդը՝ 1-1)։ 35-ամյա ամերիկացին լավ ծանոթ է հայկական հանդիսատեսին իր Bellator-ում ունեցած ելույթներով. նա հաղթել է Գրաչիկ Բոզինյանին, իսկ տիտղոսային մենամարտում պարտվել է լեգենդար Գեգարդ Մուսասիին՝ տեխնիկական նոկաուտով առաջին ռաունդում։
Բոսնոյան — Վանդերֆորդ մենամարտը կկայանա կիսամիջին քաշային կարգում և լուրջ փորձություն կլինի դեբյուտանտի համար։
Հիշեցնենք, որ Ժան-Պոլ Բոսնոյանը UFC-ի պայմանագիր է ստացել Contender Series-ում տպավորիչ ելույթից հետո, որտեղ առաջին ռաունդում տեխնիկական նոկաուտով հաղթել է Ջեք Կոնգդոնին։ Մարտիկը հոր կողմից ունի հայկական արմատներ, ինչպես նաև ռումինական և ամերիկյան ծագում, ինչը նրա դեբյուտը դարձնում է հատկապես հետաքրքիր լայն լսարանի համար։
Քննարկեք նորությունները!
Անցնել մեկնաբանություններին ↓
Comments
0