Չարենցավանում ավարտվեց Հայաստանի հունահռոմեական ըմբշամարտի առաջնությունը

Դեկտեմբերի 23-ին Չարենցավանում ավարտվեց Հայաստանի հունահռոմեական ըմբշամարտի առաջնությունը։ Ազգային առաջնությունն առանձնահատուկ նշանակություն ուներ, քանի որ հանդիսանում էր ընտրական մրցաշար 2026 թվականի Եվրոպայի առաջնությանը, ինչպես նաև մինչև 23 տարեկան ըմբիշների Եվրոպայի առաջնությանը (U23) մասնակցելու համար։

Մրցաշարի գլխավոր առանձնահատկությունը Սամվել և Գասպար Տերտերյան եղբայրների պատմական նվաճումն էր։ Հայաստանի երիտասարդական հավաքականի անդամ հանդիսացող երկու մարզիկներն էլ առաջին անգամ իրենց կարիերայում նվաճեցին երկրի չեմպիոնի կոչումը, ինչը հազվադեպ և ուշագրավ երևույթ է հայկական ըմբշամարտի համար։

Հիմնական հավաքականի մի շարք առաջատարներ հաստատեցին իրենց բարձր մակարդակը՝ պաշտպանելով չեմպիոնական տիտղոսները։ Իրենց քաշային կարգերում հաղթանակ տարան Մանվել Խաչատրյանը (55 կգ), Կարեն Ասլանյանը (63 կգ) և Սամվել Գրիգորյանը (82 կգ)։

Միևնույն ժամանակ մրցաշարը չանցավ առանց անակնկալ արդյունքների։ Մինչև 130 կգ քաշային կարգում Հայաստանի հավաքականի գործող ըմբիշ Ռազմիկ Քուրդյանը զիջեց Ալբերտ Վարդանյանին։ Մինչև 87 կգ քաշային կարգում Վիգեն Նազարյանը պարտվեց Գևորգ Թադևոսյանին․ երկու մարզիկներն էլ ներկայացնում են ազգային հավաքականը։

Առանձին ուշադրության է արժանի մինչև 63 կգ քաշային կարգը, որտեղ գորգ դուրս եկան հիմնական հավաքականի երկու ըմբիշներ՝ Կարեն Ասլանյանն ու Հրաչյա Պողոսյանը։ Պողոսյանը սովորաբար հանդես է գալիս մինչև 60 կգ քաշային կարգում, սակայն կարողացավ նվաճել արծաթե մեդալ՝ պարտվելով միայն Ասլանյանին։

Հայաստանի 2025 թվականի հունահռոմեական ըմբշամարտի առաջնության ամբողջական արդյունքները

55 կգ

Մանվել Խաչատրյան Գյումրի

Նորայր Հախոյան ՕՀՔ

Էդգար Պետրոսյան Ջրվեժ

Արմեն Գևորգյան ԲԿՄԱ

60 կգ

Սուրեն Աղաջանյան Ն. Մուշեղյան/Էջմիածին

Արմեն Մելիքյան Ն. Մուշեղյան

Կարապետ Մանվելյան Գյումրի

Լևոն Ղազարյան ՕՀՔՀԱՕԿ

63 կգ

Կարեն Ասլանյան Ն. Մուշեղյան

Հրաչյա Պողոսյան Սևան

Արմեն Սուքիասյան Ն. Մուշեղյան/ՕՀՔ

67 կգ

Յուրա Հովեյան Գյումրի

Ռուբեն Միրանյան Դինամո

Դավիթ Մանուկյան Գյումրի

Էդգար Բաղրամյան ՕՀՔ/ Ն. Մուշեղյան

72 կգ

Գասպար Տերտերյան ԲԿՄԱ

Աշոտ Խաչատրյան Ն. Մուշեղյան

Շանթ Խաչատրյան Ն. Մուշեղյան

Հայկ Մելիքյան Ն. Մուշեղյան

77 կգ

Սամվել Տերտերյան Ն. Մուշեղյան/Էջմիածին

Արթուր Ամոյան Դինամո

Պետրոս Չալյան Գյումրի

82 կգ

Սամվել Գրիգորյան ԲԿՄԱ

Մարտիկ Պետրոսյան ՕՀՔՀԱՕԿ

Վահե Հովհաննիսյան Գյումրի

87 կգ

Գևորգ Թադևոսյան ԲԿՄԱ

Վիգեն Նազարյան ԲԿՄԱ

Յուրիկ Պետրոսյան ՕՀՔ/ Ն. Մուշեղյան

97 կգ

Հայկ Խլոյան Ն. Մուշեղյան

Ռուբեն Գևորգյան Ն. Մուշեղյան/Մալաթիա

Գրիշա Ոսկանյան Գյումրի

130 կգ

Ալբերտ Վարդանյան

Ռազմիկ Քուրդյան

Արամայիս Հարությունյան

Չարենցավանում շարունակվում է ազատ ոճի ըմբշամարտի մրցաշարը։