Յուրա Զալյանը բրոնզե մեդալ է նվաճել կարատեի Եվրոպայի տնային առաջնությունում

Հայաստանը ներկայացնող կարատեկա Յուրա Զալյանը (մինչև 60 կգ քաշային կարգ) բրոնզե մեդալակիր դարձավ 2025 թվականի EKF Եվրոպայի առաջնությունում, որն անցկացվում է Երևանում։ Երրորդ տեղի համար մենամարտում Զալյանը 5:3 հաշվով հաղթեց Կոսովոն ներկայացնող Իսլամ Սելմանիին։

Մրցաշարի ընթացքում Զալյանը հաղթել էր Խորվաթիայի, Բելառուսի և Դանիայի ներկայացուցիչներին։ Միակ պարտությունը նա կրել էր մրցաշարի ապագա եզրափակչից՝ Ռուսաստանի ներկայացուցիչ Ահմեդ Ահմեդովից։

Սա Հայաստանի երկրորդ մեդալն է տնային առաջնությունում։ Ավելի վաղ բրոնզ էր նվաճել նաև Գոռ Ներսիսյանը (մինչև 84 կգ): Մինչ այս օրը Հայաստանի հավաքականը երբեք չէր նվաճել մեդալ EKF Եվրոպայի առաջնություններում։