Յուրա Մովսիսյան․ «Շնորհավորում եմ Կրասնոդար քաղաքին և անձամբ Սերգեյ Գալիցկիին»
- Հեղինակ: Vahe Hakobyan
- Sportaran
«Կրասնոդար» ակումբի նախկին հարձակվող Յուրա Մովսիսյանը շնորհավորել է ռուսական ակումբին պատմական նվաճման՝ 2024/25 մրցաշրջանում առաջին չեմպիոնության կապակցությամբ։ Սերգեյ Գալիցկու թիմը կարողացավ մեկ միավորով շրջանցել «Զենիթին»՝ դառնալով Ռուսաստանի Պրեմիեր Լիգայի հաղթող։
Իր շնորհավորական խոսքում Մովսիսյանն ընդգծել է ակումբի տիրոջ դերը.
«Շնորհավորում եմ Կրասնոդար քաղաքին և Սերգեյ Գալիցկիին։ Հպարտ եմ այս հաջողությամբ։ Սկսած առաջին օրից՝ սա երկար ճանապարհ էր։ Սա Գալիցկու երազանքն էր, և ես չեմ կարող պատկերացնել ավելի արժանի հաղթանակ։ Ինձ համար պատիվ էր լինել այս նախագծի մի մասը անցյալում։ Հպարտանում եմ թիմով և Էդուարդ Սպերցյանով՝ իրենց հաջողությունների համար»։
Յուրա Մովսիսյանը «Կրասնոդարի» կազմում հանդես է եկել 2011-2012 թվականներին՝ դառնալով ակումբի պատմության առաջին վառ լեգեոներներից մեկը։ Նրա խոսքերը ջերմ հիշեցում էին այն բանի մասին, թե որքան հեռու է հասել նախագիծը, որը մեկնարկել էր 17 տարի առաջ։
«Կրասնոդարի» կազմում Մովսիսյանը խփել է 23 գոլ և կատարել 10 գոլային փոխանցում՝ 51 խաղում։
Յուրա Մովսիսյանն ու Էդուարդ Սպերցյանը՝ 2012 թվականին։
Քննարկեք նորությունները!
Անցնել մեկնաբանություններին ↓
Comments
0