Յուրա Մելիքյանը կշարունակի իր կարիերան Ղազախստանում։
Հայաստանի ազգային հավաքականի բասկետբոլիստ Յուրա Մելիքյանը պայմանագիր է ստորագրել ղազախական «Բարսի Ատիրաու» ակումբի հետ։ Պայմանագիրը նախատեսված է մինչև ընթացիկ մրցաշրջանի ավարտը։
Նախկինում Մելիքյանը հանդես էր գալիս Հայաստանի առաջնությունում՝ ներկայացնելով ԲԿՄԱ-ն։
Նշենք, որ Յուրա Մելիքյանը տպավորիչ արդյունքներ էր ցուցադրել Եվրոպայի երիտասարդական առաջնությունում (Մ20, B դիվիզիոն), դառնալով առաջատար՝ անդրադարձների, բլոքշոթերի, դաբլ-դաբլների և օգտակարության գործակցով։ Մելիքյանը նաև հանդես կգա Եվրոպայի մինչև 20 տարեկանների առաջնությունում (B դիվիզիոն), որը կանցկացվի Երևանում։
Ընթացիկ մրցաշրջանում Հայաստանի առաջնությունում 19-ամյա բասկետբոլիստը միջինում հավաքել է 22 միավոր և կատարել 19 անդրադարձ յուրաքանչյուր խաղում։
«Բարսի Ատիրաու» ակումբը ներկայումս զբաղեցնում է 4-րդ տեղը Ղազախստանի առաջնությունում։
Քննարկեք նորությունները!
Անցնել մեկնաբանություններին ↓
Comments
0