«Ես չեմ խառնվում քաղաքականությանը»․ Արթուր Ալեքսանյանը մեկնաբանել է լուսանկարը Գյումրիի քաղաքապետի թեկնածուի հետ
Վերջին օրերին սոցիալական ցանցերում ակտիվորեն քննարկվում է հայտնի հունահռոմեական ըմբիշի, բազմակի աշխարհի չեմպիոնի և Օլիմպիական խաղերի մրցանակակիր Արթուր Ալեքսանյանի լուսանկարը Գյումրիի քաղաքապետի թեկնածու Սարիկ Մինասյանի հետ։
Այս լուսանկարի տարածման ֆոնին մարզիկը որոշեց պարզաբանել իրավիճակը՝ Instagram-ի «Սթորի» բաժնում մեկնաբանություն հրապարակելով։
«Անկեղծ ասած, իմ այս երկար ու ձիգ տարիների ընթացքում, ես երբեք չեմ մասնակցել որևէ քարոզարշավի, իմ սպորտային նկարագիրը կոփել է նաև կամքս, ես զբաղվում եմ իմ գործով։
Նկարի հետ կապված կասեմ, որ սույն թվականի մարտի 11-ին, երբ քարոզարշավը դեռ չէր մեկնարկել, ՏԿԵ նախարարը Գյումրի համայնքի ղեկավարի պաշտոնակատար Սարիկ Մինասյանի հետ այցելել են Գյումրի՝ իմ անվան սպորտային համալիրի շինարարական աշխատանքներին և խնդիրներին ծանոթանալու»,– պարզաբանել է Ալեքսանյանը։
Նշենք, որ այժմ Արթուր Ալեքսանյանը պատրաստվում է հունահռոմեական ըմբշամարտի Եվրոպայի առաջնությանը, որը կմեկնարկի ապրիլի 7-ին Բրատիսլավայում, Սլովակիա։ Հայտնի հայ ըմբիշը գնում է իր 8-րդ չեմպիոնության հետևից։
Ավելի վաղ մենք հրապարակել էինք Հայաստանի հավաքականի կազմը։
Քննարկեք նորությունները!
Անցնել մեկնաբանություններին ↓
Comments
0