Սերունդների հանդիպում․ Ստոյկիցեն և Մելիքյանը զրուցել են Բրյուսելում՝ Ազգերի լիգայի վիճակահանությունից առաջ

Բրյուսելում՝ ՈւԵՖԱ-ի Ազգերի լիգայի 2026/27 թթ. մրցաշարի վիճակահանությունից առաջ, տեղի է ունեցել Հայաստանի ազգային հավաքականի նախկին գլխավոր մարզիչ Միհայ Ստոյկիցեի և ներկայիս գլխավոր մարզիչ Եղիշե Մելիքյանի ջերմ հանդիպումը։

Ռումինացի մասնագետը ղեկավարել է Հայաստանի հավաքականը 2003–2004 թվականներին։ Այդ ընթացքում նրա գլխավորությամբ ազգային թիմը անցկացրել է 10 հանդիպում՝ գրանցելով 4 հաղթանակ և կրելով 6 պարտություն։ Հատկանշական է, որ Եղիշե Մելիքյանը հենց Ստոյկիցեի պաշտոնավարման շրջանում էր պարբերաբար խաղադաշտ դուրս գալիս ազգային հավաքականի կազմում։

Այսօր Միհայ Ստոյկիցեն զբաղեցնում է Ռումինիայի հավաքականի տեխնիկական տնօրենի պաշտոնը և Բելգիայի մայրաքաղաք է ժամանել իր երկրի պատվիրակության կազմում։

ՈւԵՖԱ-ի Ազգերի լիգայի 2026/27 թթ. մրցաշարի վիճակահանությունը կկայանա այսօր՝ Երևանի ժամանակով ժամը 21:00-ին։ Հայաստանի հավաքականը հանդես կգա C դիվիզիոնում, իսկ Ռումինիան մրցաշարը կսկսի B դիվիզիոնում։