Վիրջիլ Պենսոնը երկարաձգել է պայմանագիրը «Նոա»-ի հետ

Ֆուտբոլային ակումբ «Նոա»-ն երկարաձգել է պայմանագիրը վինգեր Վիրջիլ Պենսոնի հետ մինչև 2025/26 մրցաշրջանի ավարտը՝ այն ևս մեկ տարով երկարաձգելու հնարավորությամբ։

28-ամյա ֆրանսիացին հանդես է գալիս հայկական թիմում 2024 թվականի հունվարից։ Այս ընթացքում նա խփել է 8 գոլ և կատարել 7 գոլային փոխանցում «Նոա»-ի կազմում անցկացրած 38 խաղերում։

Լուրեր էին շրջանառվում, որ Վիրջիլ Պենսոնը կարող է այս ձմռանը լքել ակումբը. նա առաջարկներ ուներ այլ առաջնություններից, սակայն որոշեց մնալ։