«Նոա» — «Ռիեկա» հանդիպումից առաջ․ Վիկտոր Սանչեսի խոսքերը մամուլի ասուլիսում

Հոկտեմբերի 2-ին, հինգշաբթի օրը, Խորվաթական «Ռիեկա»-ն Եревանում կմրցի Հայաստանի չեմպիոն «Նոա»-ի հետ՝ ՈւԵՖԱ Կոնֆերանս լիգայի 2025/26 մրցաշրջանի խմբային փուլի առաջին տուրում։

Երեւան մեկնելուց առաջ գլխավոր մարզիչ Վիկտոր Սանչեսը և բոսնիացի պաշտպան Ստեպան Ռադելիչը մամուլի ասուլիս անցկացրեցին։

«Ռիեկա»-ի գլխավոր մարզիչ Վիկտոր Սանչեսը ընդգծեց, որ թիմը Հայաստան է գալիս միայն հաղթանակի համար․

«Սկսում ենք մեր եվրոպական ուղին և առավելագույնս մոտիվացված ենք։ Մեզ սպասում է ծանր մրցակից որակյալ ֆուտբոլիստներով, բայց մենք ուզում ենք օգտագործել նրանց թույլ կողմերը և ցույց տալ մեր ուժեղ կողմերը»։

Իսպանացի մասնագետը նշեց, որ «Նոա»-ն նախընտրում է խաղալ 4-3-3 դասավորությամբ, ակտիվորեն օգտագործում է երկար փոխանցումներ և ստանդարտներ։ Միևնույն ժամանակ նա ընդունեց, որ «Ռիեկա»-ն խնդիր ունի պահերի իրացման հետ, բայց վստահ է, որ թիմը շուտով կհասնի անհրաժեշտ մակարդակի։

«Նոա»-ն սովոր է խաղալ ուժեղ քամու պայմաններում, ակտիվորեն օգտագործում է երկար փոխանցումներ և ստանդարտներ։ Ամենից հաճախ գործում է 4-3-3 դասավորությամբ՝ շեշտը դնելով եզրային հարձակումների վրա։ Մենք պատրաստել ենք պլան, որպեսզի չեզոքացնենք նրանց ուժեղ կողմերը և միաժամանակ պահեր ստեղծենք հակառակորդի դարպասների մոտ»։

Թիմում կան կորուստներ։ Հարձակվող Դուջե Չոպի և կիսապաշտպան Գաբրիել Ռուկավինայի մասնակցությունը հարցականի տակ է։ Վստահաբար չեն խաղա վնասված Դամիր Կրեյլախը և Միլե Շկորիչը, ինչպես նաև Անտե Մայստորովիչը։ Փոխարենը Վինյատոն արդեն վերականգնվել է։

Պաշտպան Ստեպան Ռադելիչը, ով վերջերս վերադարձել է վնասվածքից հետո, հույս հայտնեց, որ «Նոա»-ի հետ խաղը կդառնա շրջադարձային․

«Գնում ենք երեք միավորի հետևից։ Հուսով եմ՝ այս խաղը մեզ համար կդառնա շրջադարձային։ Կարևորը՝ կրկին վերականգնել պաշտպանությունում վստահությունը, ինչպես անցած մրցաշրջանում»։

«Հայաստանում մեզ սպասում է դժվար խաղ։ Մենք լավագույն վիճակում չենք, բայց գնում ենք երեք միավորի համար։ Ցանկանում եմ, որ հենց այս խաղը դառնա շրջադարձային։ Եվրոպական մրցաշարերը միշտ տարբերվում են ազգային առաջնությունից․ դա առանձին պատմություն է», — ասաց Ռադելիչը։

«Նոա»-«Ռիեկա» հանդիպումը կկայանա հոկտեմբերի 2-ին, Երևանում և կմեկնարկի 20:45-ին՝ Երևանի ժամանակով։