Վազգեն Թևանյանը անցել է «Muhamet Melo 2025» վարկանիշային մրցաշարի եզրափակիչ փուլ:

Փետրվարի 26-ին Ալբանիայի մայրաքաղաք Տիրանայում սկսվեց «Muhamet Melo 2025» ըմբշամարտի երկրորդ վարկանիշային մրցաշարը: Մրցաշարի առաջին օրը հանդես եկան ազատ ոճի ըմբիշներ, և գորգ դուրս եկան Հայաստանից 3 ըմբիշ, որոնցից մեկը անցավ մրցաշարի եզրափակիչ փուլ:

Վազգեն Թևանյանը (70 կգ) հաղթեց երեք մարտում և անցավ մրցաշարի եզրափակիչ, որտեղ կմրցի ճապոնացի Յոշինոսուկե Աոյագիի դեմ: Եզրափակիչները կկայանան այսօր ժամը 21:00-ից հետո Երևանի ժամանակով:

Մյուս երկու հայ ըմբիշներ Մանվել Խնձրցյանը (57 կգ) և Նարեկ Հարությունյանը (74 կգ) չկարողացան անցնել եզրափակիչ, սակայն Նարեկը ստացավ բրոնզե մեդալի համար պայքարելու իրավունք մարտերով:

Վազգեն Թևանյանի արդյունքները մինչև եզրափակիչ.

1/8: Վազգեն Թևանյան (Հայաստան) - Միխայիլ Գեորգիև (Բուլղարիա) 4:0.

1/4: Վազգեն Թևանյան (Հայաստան) - Վասիլե Դյակոն (Մոլդովա) 3:2.

1/2: Վազգեն Թևանյան (Հայաստան) - Ակակի Կեմերթելիձե (Վրաստան) 6:0.

Բոլոր մարտերի տեսանյութերը մեր ՏԵԼԵԳՐԱՄ-ԱՆՑՈՒՑԻՆ: