Վազգեն Թևանյանը տպավորիչ հաղթանակ տարավ PWL India-ում Թումր Տուլգա Օչիրի նկատմամբ
- Հեղինակ: Vahe Hakobyan
- Sportaran
Հայ ազատոճային ըմբիշ Վազգեն Թևանյանը (մինչև 65 կգ քաշային կարգ) շարունակում է տպավորել Հնդկաստանում անցկացվող Pro Wrestling League-ում։ Մոնղոլիայի ներկայացուցչի՝ աշխարհի առաջնության կրկնակի մեդալակիր Թումր Տուլգա Օչիրի հետ դրամատիկ գոտեմարտում Թևանյանը կամային հաղթանակ տարավ՝ 10:4 հաշվով։
Մենամարտի ավարտից 10 վայրկյան առաջ հայ ըմբիշը պարտվում էր 1:4 հաշվով, սակայն վերջին վայրկյաններին իրականացրեց մի քանի արդյունավետ գործողություններ ու խլեց հաղթանակը։ Այս հաջողությունը վճռորոշ եղավ նրա թիմի՝ Maharashtra Kesari-ի համար, որը ընդհանուր հաշվով հաղթեց Haryana Thunders-ին՝ 5:4:
Մինչ այդ Թևանյանն արդեն վստահ հաղթանակներ էր տարել Ադրբեջանի ներկայացուցիչ Ալի Ռահիմզադեի և հնդիկ ըմբիշ Վիշալ Կալիրամանի նկատմամբ։
Այսպիսով, հայ մարզիկը շարունակում է ցուցադրել բարձր մակարդակի ըմբշամարտ և մնում է իր թիմի առաջատարներից մեկը PWL India-ում։
Գոտեմարտի ամբողջական տեսանյութը՝ մեր Telegram ալիքում։
Քննարկեք նորությունները!
Անցնել մեկնաբանություններին ↓
Comments
0