Վազգեն Թևանյանն ու Արման Անդրեասյանը հանդես կգան Հնդկաստանի պրոֆեսիոնալ ըմբշամարտի լիգայում

Հայաստանի ազատ ոճի ըմբիշ Վազգեն Թևանյանը (70 կգ) կմասնակցի Հնդկաստանի պրոֆեսիոնալ ըմբշամարտի Pro Wrestling League (PWL) առաջնությանը։ Նա հանդես կգա Մումբայից ներկայացնող Maharashtra Kesri թիմի կազմում, որի անվանումը կապված է հին հնդկական ավանդական ըմբշամարտի հետ։

Pro Wrestling League-ը հիմնադրվել է 2015 թվականին և կարճ ժամանակում դարձել է Ասիայի ամենատեսարժան ըմբշամարտի լիգաներից մեկը։ Մրցաշարի վերջին մրցաշրջանը կայացել է 2019 թվականին, որից հետո լիգան դադար է վերցրել։ 2026 թվականից PWL-ը պաշտոնապես վերականգնում է իր գործունեությունը։

Հայաստանի ևս մեկ ներկայացուցիչ՝ ազատ ոճի ըմբիշ Արման Անդրեասյանը, նույնպես հանդես կգա հնդկական լիգայում։ Նա կպաշտպանի Up Dominators թիմի գույները մինչև 74 կգ քաշային կարգում։

Pro Wrestling League-ի նոր մրցաշրջանին կմասնակցեն 6 թիմեր։ Մրցումները կանցկացվեն հանդիպումային համակարգով, իսկ առաջնության մեկնարկը նախատեսված է հունվարի 15-ին։ Ավելի վաղ հայ ըմբիշները չեն մասնակցել այս լիգային։