Վարազդատ Լալայանը դարձավ Եվրոպայի կրկնակի չեմպիոն

Հայաստանի ծանրորդ Վարազդատ Լալայանը (+109 կգ) Եվրոպայի կրկնակի չեմպիոն դարձավ՝ հաղթելով 2025 թվականի մայրցամաքային առաջնությունում, որն անցկացվում է Մոլդովայի մայրաքաղաք Կիշինևում։

Վրաստանցի Լաշա Տալախաձեի կարիերան ավարտելուց և Սիմոն Մարտիրոսյանի՝ ավելի թեթև քաշային կարգ տեղափոխվելուց հետո, Վարազդատ Լալայանի համար լուրջ մրցակիցներ Եվրոպայի առաջնությունում գրեթե չէին մնացել։ 25-ամյա հայ մարզիկը վստահորեն հաղթեց թե՛ պոկում, թե՛ հրում վարժություններում՝ նվաճելով երեք ոսկե մեդալ՝ երկու փոքր և մեկ մեծ՝ երկամարտի ընդհանուր արդյունքի համար։

Պոկում վարժությունում Լալայանը բարձրացրեց 210 կգ՝ 20 կգ-ով գերազանցելով իր ամենամոտ մրցակցին՝ ուկրաինացի Բոգդան Խոզային։

Հրում վարժությունում օլիմպիական խաղերի արծաթե մեդալակիրն անխոչընդոտ առաջինն էր՝ 240 կգ արդյունքով և 5 կգ առավելությամբ էստոնացի Մարտ Սեյմից։

Երկամարտի արդյունքում Լալայանը հավաքեց 450 կգ՝ 35 կգ-ով առաջ անցնելով Մարտ Սեյմից։

Այսպիսով, 2024 թվականին Եվրոպայի և աշխարհի չեմպիոն դարձած Լալայանը իր հավաքածուին ավելացրեց ևս մեկ ոսկի։

+109 կգ քաշային կարգի արդյունքներ (տղամարդիկ)

Պոկում
Վարազդատ Լալայան (Հայաստան) — 210 կգ
Բոգդան Խոզա (Ուկրաինա) — 190 կգ
Բաքարի Տուրմանիձե (Վրաստան) — 183 կգ

Հրում
Վարազդատ Լալայան (Հայաստան) — 240 կգ
Մարտ Սեյմ (Էստոնիա) — 235 կգ
Վլադիսլավ Պրիլիպկո (Ուկրաինա) — 220 կգ

Երկամարտ

1. Վարազդատ Լալայան (Հայաստան) — 450 կգ
2. Մարտ Սեյմ (Էստոնիա) — 415 կգ
3. Բոգդան Խոզա (Ուկրաինա) — 406 կգ
4. Բաքարի Տուրմանիձե (Վրաստան) — 402 կգ
5. Վլադիսլավ Պրիլիպկո (Ուկրաինա) — 390 կգ

Հայաստանի հավաքականը 2025 թ. Եվրոպայի ծանրամարտի առաջնությունն ավարտում է 9 մեծ մեդալով՝ 2 ոսկե, 6 արծաթե և 1 բրոնզե։ Ընդհանուր առմամբ (ներառյալ փոքր և մեծ մեդալները) հայ մարզիկները նվաճել են 27 մեդալ՝ 7 ոսկե, 13 արծաթե և 7 բրոնզե։ Ընդհանուր մեդալների քանակով Հայաստանը վստահորեն առաջատարն է մրցաշարում, սակայն ոսկե մեդալների քանակով երրորդ տեղում է՝ զիջելով Բուլղարիային և Թուրքիային։

ԵԱ-2025 ծանրամարտ. Մեդալային հաշվարկ՝ մեծ և փոքր մեդալներով