Վարազդատ Լալայանը առաջադրվել է Եվրոպայի 2025 թվականի լավագույն ծանրորդի կոչման

Հայ ծանրորդ Վարազդատ Լալայանը ընդգրկվել է Եվրոպայի 2025 թվականի լավագույն ծանրորդի կոչման հավակնորդների ցանկում։

2025 թվականին մարզիկը ցուցադրել է բացառիկ արդյունքներ՝ դառնալով Եվրոպայի և աշխարհի առաջնությունների հաղթող, ինչը նրան դարձրել է մրցանակի գլխավոր հավակնորդներից մեկը։

Հավակնորդների ցուցակում ընդգրկվել են նաև՝

• Մուհամմեդ Օզբեք (Թուրքիա)
• Մարին Ռոբու (Մոլդովա)
• Կառլոս Նասար (Բուլղարիա)
• Գոդերդզի Բերդելիձե (Վրաստան)
• Լորենցո Տարկվինի (Իտալիա)
• Կիանուշ Ռոստամի (Կոսովո)
• Մարկոս Ռուիս Վելասկո (Իսպանիա)
• Ռաֆայել Ֆրիդրիխ (Գերմանիա)
• Եվգենիա Ցիխանցով (Բելառուս)
• Վարազդատ Լալայան (Հայաստան)

Ավելի վաղ հաղորդվել էր, որ հայ մարզուհի Ալեքսանդրա Գրիգորյանը նույնպես առաջադրվել է Եվրոպայի 2025 թվականի լավագույն ծանրորդուհու կոչման։

Մրցանակի հաղթողները կհայտարարվեն 2026 թվականի Եվրոպայի առաջնության ժամանակ, որը կանցկացվի ապրիլի 19-ից 26-ը Բաթումիում (Վրաստան)։