Վարազդատ Հարոյանը խփեց իր առաջին գոլը Հունգարիայում (վիդեո և վիճակագրություն)

Հայաստանի հավաքականի նախկին ավագ Վարազդատ Հարոյանը Հունգարիայի առաջնության երրորդ տուրում բացեց իր գոլերի հաշիվը «Կազինբարչիկա» ակումբի կազմում։

32-ամյա պաշտպանն «Դեբրեցինի» հետ խաղում հաշիվը հավասարեցրեց առաջին խաղակեսի վերջնամասում։ 46-րդ րոպեին Բենչե Շոշը ուժեղ նետում կատարեց գնդակը խաղադաշտի սահմաններից, իսկ Հարոյանը, կանգնած դարպասին հակառակ, կարողացավ այն ուղարկել ցանց։ Գոլը ստացվեց տպավորիչ։

Սակայն դա չօգնեց «Կազինբարչիկային» առաջնությունում առաջին միավորները վաստակել։ «Դեբրեցինը» հաղթանակ կորզեց՝ 65-րդ րոպեին իրացնելով տուգանային հարվածը։ Վերջնական հաշիվը՝ 2։1 տանտերերի օգտին։

Hարոյանը SofaScore-ի գնահատմամբ ճանաչվեց խաղի լավագույնը՝ ստանալով 8․1 միավոր։

Հարոյանի վիճակագրությունը՝
Խաղացած րոպեներ՝ 90+
Գոլեր՝ 1
Զբաղեցրած գնդակներ (Interceptions)՝ 1
Գնդակի խլումներ (Tackles)՝ 1
Հաղթած օդային մենամարտեր՝ 5/7
Հաղթած մենամարտեր՝ 1/5
Գնդակ կորստներ՝ 5
Խախտումներ՝ 3
Ճշգրիտ փոխանցումներ՝ 52 (93%)
Երկար փոխանցումներ՝ 8/11
Հարվածներ՝ 1
SofaScore-ի գնահատական՝ 8․1

Գոլի տեսանյութ՝

 

Հիշեցնենք՝ օր առաջ Վարազդատ Հարոյանը հայտարարել էր Հայաստանի հավաքականում իր կարիերան ավարտելու մասին։