Վահան Բիչախչյանը հաղթեց Լեհաստանի Գավաթը՝ հաղթելով իր նախկին ակումբին դիտարժան եզրափակչում

Հայ կիսապաշտպան Վահան Բիչախչյանը դարձել է 2024/25 թվականների մրցաշրջանի Լեհաստանի Գավաթի հաղթող: Եզրափակիչ խաղում նրա ներկայիս թիմը՝ Վարշավայի «Լեգիան», 4։3 հաշվով հաղթեց «Պոգոնին»՝ Բիչախչյանի նախկին ակումբին:

Հաղթողների կազմում գոլերի հեղինակ դարձան Լուկինյասը, Մորիշիտան, Շկուրինը և Վինագրեն։ «Պոգոնի» գոլերը խփեցին Լոնչարը, Կուլուրիսը և Սմոլինսկին։ Բիչախչյանը խաղադաշտ դուրս եկավ 83-րդ րոպեին։

Հետաքրքիր է, որ Բիչախչյանը այս մրցաշրջանի Լեհաստանի Գավաթում մասնակցել է 4 հանդիպման, որոնցից 3-ը՝ դեռ «Պոգոնի» կազմում, որտեղ նա հասցրել է խփել 2 գոլ։ Այսպիսով՝ անգամ «Լեգիայի» պարտության դեպքում Վահանը միևնույն է դառնալու էր տրոֆեի տեր, քանի որ մրցաշարը սկսել էր եզրափակչի մասնակից թիմում։

25-ամյա կիսապաշտպանի համար սա կարիերայի ընդամենը երկրորդ տիտղոսն է։ Առաջինը նա նվաճել էր 2017 թվականին՝ «Շիրակի» կազմում հաղթելով Հայաստանի Գավաթը։

Հաղթանակի շնորհիվ «Լեգիան» իրավունք ստացավ մասնակցելու հաջորդ մրցաշրջանի Եվրոպայի Լիգայի որակավորման փուլին։