2025 կյոկուշին կարատեի աշխարհի առաջնությունը անցկացվեց Վարշավայում. Հայաստանի հավաքականը նվաճեց 12 մեդալ

Նոյեմբերի 29-ին Լեհաստանի մայրաքաղաք Վարշավայում տեղի ունեցավ 2025 թվականի կյոկուշին կարատեի աշխարհի առաջնությունը, որը հավաքեց շուրջ 1400 մարզիկ 40 երկրներից։ Մրցաշարի մասշտաբը ընդգծվում էր նրանով, որ մենամարտերն անցկացվում էին միաժամանակ տասներկու տատամիների վրա։

Հայաստանի կյոկուշին կարատեի ֆեդերացիան առաջնությանը մասնակցեց 50 հոգանոց պատվիրակությամբ, որոնց թվում՝ 35 մարզիկ։ Առաջատար կարատեկաների մասնակցության հետ կապված բոլոր ծախսերը, ըստ ավանդույթի, հոգացել է ֆեդերացիան։

Սենսեյ Վարդան Կիրակոսյանի ու Հովհաննես Սարգսյանի, ինչպես նաև սենսեյ Սարգիս Հակոբյանի և Պետրոս Համբարձումյանի ղեկավարությամբ հայ մարզիկները ցուցադրեցին բարձր պատրաստվածություն և հաղթելու ձգտում։ Լարված ու մրցակցային պայքարում շատերը կարողացան ցուցադրել վառ ու արդյունավետ մենամարտեր, թեև մի քանի մարզիկների համար ավելորդ հուզմունքը խանգարեց լավագույն արդյունքին հասնելու։

Հայաստանի կյոկուշին կարատեի ֆեդերացիան, որի հիմնադիր և նախագահն է Անդրանիկ Հակոբյանը, աշխարհի առաջնությունն ավարտեց 12 մեդալով՝ 2 ոսկե, 4 արծաթե և 6 բրոնզե։

2025 թվականի աշխարհի առաջնության մեդալակիրներ

Ոսկե մեդալներ.

• Հովհաննես Սարգսյան — 1-ին տեղ (մարզիչ՝ Անդրանիկ Հակոբյան)

• Էդուարդ Ղահրամանյան-1-ին տեղ (մարզիչ՝ Հովհաննես Սարգսյան)

Արծաթե մեդալներ.

• Հայկ Միսակյան -2-րդ տեղ (մարզիչ՝ Մ. Միսակյան)

• Էրիկ Կոստանդյան- 2-րդ տեղ (մարզիչ՝ Սարգիս Հակոբյան)

• Էլեն Եփրեմյան-2-րդ տեղ (մարզիչ՝ Անդրանիկ Հակոբյան)

• Արկադի Կիրակոսյան-2-րդ տեղ (մարզիչ՝ Վարդան Կիրակոսյան)

Բրոնզե մեդալներ.

• Բորիս Պետրոսյան-3-րդ տեղ (մարզիչ՝ Հովհաննես Սարգսյան)

• Նարեկ Կիրակոսյան-3-րդ տեղ (մարզիչ՝ Վարդան Կիրակոսյան)

• Արթուր Մելքոնյան-3-րդ տեղ (մարզիչ՝ Հովհաննես Սարգսյան)

• Հուսիկ Հեբոյան-3-րդ տեղ ( մարզիչ՝ Անդրանիկ Հակոբյան)

• Հակոբ Բաղդասարյան-3-րդ տեղ (մարզիչ՝ Ստեփան Գրիգորյան)

• Ալեն Եգորյան-3-րդ տեղ (մարզիչ՝ Սարգիս Հակոբյան)

Հիշեցնենք, որ նոյեմբերի 30-ին Կահիրեում ավարտվեց այլ ֆեդերացիայի՝ WKF-ի հովանու ներքո անցկացվող կարատեի աշխարհի առաջնությունը, որտեղ Հայաստանը նվաճեց 1 բրոնզե մեդալ։