Տալլինում մեկնարկում է 2026 թվականի պատանիների գեղասահքի աշխարհի առաջնությունը

Մարտի 4-ին Տալլինում (Էստոնիա) մեկնարկում է 2026 թվականի գեղասահքի պատանիների աշխարհի առաջնությունը։ Մրցաշարը անցկացվում է Tondiraba Ice Hall սահադահլիճում և կշարունակվի մինչև մարտի 7-ը։

Մրցումները կսահմանեն ազգային ֆեդերացիաների քվոտաները 2027 թվականի հաջորդ պատանեկան աշխարհի առաջնության համար։ Մեդալները կխաղարկվեն չորս կարգերում՝ տղամարդկանց և կանանց մենասահք, սպորտային զույգեր և սառցե պարեր։

Հայաստանի ներկայացուցիչների ելույթները

Հայաստանի հավաքականի կազմում մրցաշարին կմասնակցեն երկու մարզիկներ.

Միքայել Սալազարյանը մարտի 4-ին հանդես կգա պատանիների կարճ ծրագրում։
Ելույթների սկիզբը՝ 18:00 Երևանի ժամանակով։

Իզաբելլա Եսայանը Հայաստանը կներկայացնի մարտի 5-ին պատանուհիների կարճ ծրագրում՝ 12:45 Երևանի ժամանակով։

Սառցե պարերի մրցումներում կմասնակցի նաև Բեյրութում ծնված Հանա Մարիա Աբոյանը, որը հանդես է գալիս ԱՄՆ-ի դրոշի ներքո՝ զուգընկեր Դանիիլ Վեսելուխինի հետ։

Հիմնական մեկնարկների ժամանակացույցը

Մարտի 4

14:15 — սպորտային զույգերի կարճ ծրագիր
18:00 — պատանիների կարճ ծրագիր

Մարտի 5

12:45 — պատանուհիների կարճ ծրագիր
21:00 — սպորտային զույգերի ազատ ծրագիր

Մարտի 6

15:00 — ռիթմ-պար (սառցե պարեր)
20:15 — պատանիների ազատ ծրագիր

Մարտի 7

13:30 — ազատ պար
17:30 — պատանուհիների ազատ ծրագիր

Պատանիների աշխարհի առաջնությունը կավարտվի մարտի 7-ին, երբ հայտնի կդառնան մրցաշարի բոլոր մրցանակակիրները։