Հայաստանի հավաքականում հնարավոր են փոփոխություններ․ գլխավոր մարզիչ Արմեն Բաբալարյան
- Հեղինակ: Vahe Hakobyan
- Sportaran
Հայաստանի հունահռոմեական ըմբշամարտի ազգային հավաքականի գլխավոր մարզիչ Արմեն Բաբալարյանը Armenpress-ի հետ զրույցում դրական է գնահատել դեկտեմբերի 23-ին Չարենցավանում ավարտված Հայաստանի առաջնության արդյունքները։
Մասնագետի խոսքով՝ մրցաշարը իր վրա շատ լավ տպավորություն է թողել՝ հատկապես նոր մարզիկների ի հայտ գալու շնորհիվ։
«Ինձ շատ դուր եկավ առաջնությունը։ Հայտնվել են նոր, երիտասարդ մարզիկներ։ Սա հույս ներշնչող է, քանի որ յուրաքանչյուր քաշային կարգում կարող են լինել մի քանի ըմբիշներ, ինչը կհանգեցնի առողջ մրցակցության թիմի ներսում։ Առաջնությունը շատ լավ էր կազմակերպված ինչպես Հայաստանի ըմբշամարտի ֆեդերացիայի, այնպես էլ Չարենցավանի քաղաքապետարանի կողմից։ Հայաստանի հավաքականում հնարավոր են փոփոխություններ․ արդեն տեսնում եմ նոր ըմբիշներ 3–4 քաշային կարգերում», — նշել է Բաբալարյանը։
Մարզիչը նաև ընդգծել է, որ ազգային հավաքականի առաջատարներ Արթուր Ալեքսանյանը, Սլավիկ Գալստյանը և Մալխաս Ամոյանը չեն մասնակցել 2025 թվականի Հայաստանի առաջնությանը։
Հիշեցնենք, որ հունահռոմեական ըմբշամարտի Հայաստանի առաջնությունն ավարտվել է դեկտեմբերի 23-ին Չարենցավանում, իսկ ազատ ոճի ըմբշամարտի մրցաշարը կավարտվի դեկտեմբերի 24-ին։
Քննարկեք նորությունները!
Անցնել մեկնաբանություններին ↓
Comments
0