«Ուրարտուն» ոչ ոքի խաղաց «Ցինդաո Վեսթ Քոսթի» հետ

Երևանի «Ուրարտուն» մարզական հավաքի շրջանակում ընկերական խաղ անցկացրեց Արաբական Միացյալ Էմիրություններում։ Հայկական ակումբի մրցակիցը Չինաստանից էր՝ «Ցինդաո Վեսթ Քոսթ»։ Հանդիպումն ավարտվեց 1:1 հաշվով։

«Ուրարտուի» միակ գոլի հեղինակ դարձավ Ալեքսանդր Լյովետը, ում գոլային փոխանցումը կատարեց Ժիրայր Մարգարյանը։

Թիմը առաջիկայում կանցկացնի ևս երեք ընկերական խաղ՝

• Փետրվարի 8-ին՝ չինական «Ժեցզյանի» դեմ,

• Փետրվարի 12-ին՝ երկու հանդիպում՝ Ղազախստանի «Ելիմայի» և ԱՄԷ-ի տեղական «Յունայթեդ Սփորց» թիմի դեմ։

Հավաքը կշարունակվի մինչև փետրվարի կեսերը։

Այսօր ևս ԱՄԷ-ում ընկերական հանդիպում անցկացրեց հայկական «Նոան»։