Ուգոևը և Հարությունյանը. «Կցուցադրենք դիտարժան մենամարտ»

Այսօր Բրատիսլավայում՝ ազատ ոճի ըմբշամարտի 2025 թվականի Եվրոպայի առաջնության ընթացքում, տեղի կունենա մինչև 61 կգ քաշային կարգի եզրափակիչ մենամարտը, որտեղ միմյանց դեմ կպայքարեն Արսեն Հարությունյանը (Հայաստան) և Զաուր Ուգոևը (Ռուսաստան):

Մենամարտից առաջ սպորտային լրագրող Վյաչեսլավ Աբդուսալամովը զրուցել է երկու եզրափակիչ մասնակիցների հետ։ Նրանք երկուսն էլ նշել են, որ հանդիսատեսին սպասվում է դիտարժան և գեղեցիկ պայքար։ Նշվել է նաև, որ ըմբիշները մտերիմ ընկերներ են և լավ ծանոթ են միմյանց ոճին, քանի որ բազմիցս միասին մարզվել են Սոչիում կազմակերպված հավաքների ժամանակ։

Արսեն Հարությունյանը հայտարարել է, որ դիտել է Մասունոսուկե Օնոյի և Ուգոևի մենամարտը, սակայն ընդհանուր առմամբ չի հետևում մրցակիցների գոտեմարտերին՝ ամբողջությամբ կենտրոնանալով իր սեփական պայքարի վրա։

Հիշեցնենք, որ մարզիկները նախկինում երկու անգամ հանդիպել են միջազգային մրցաշարերում, և երկու դեպքերում էլ հաղթանակը մնացել է Ուգոևին․

• 2019 թ․ — Ուգոևի հաղթանակ՝ 10:0 հաշվով

• 2023 թ․ — Ուգոևի հաղթանակ՝ 6:4 հաշվով

Հարությունյան — Ուգոև եզրափակիչ գոտեմարտը կկայանա ապրիլի 9-ին՝ Մոսկվայի ժամանակով 19։00-ին։