ACBJJ 20 Մոսկվայում․ Արման Ծառուկյանի մրցակիցը փոխվել է
- Հեղինակ: Vahe Hakobyan
- Sportaran
Դեկտեմբերի 17-ին Մոսկվայում կկայանա ACBJJ 20 մրցաշարը, որի շրջանակում Արման Ծառուկյանը կմասնակցի բրազիլական ջիու-ջիցուի սուպերմենամարտի։ Սկզբնապես Հայաստանի ներկայացուցիչի մրցակից էր հայտարարվել ACA-ի չեմպիոն Աբդուլ-Ազիզ Աբդուլվախաբովը, սակայն վնասվածքի պատճառով նա ստիպված է եղել հրաժարվել մենամարտից։
Ծառուկյանի նոր մրցակիցը կլինի ACA լիգայի մեկ այլ վառ աստղ՝ Մեհդի Բայդուլաևը։ Բայդուլաևի ակտիվում կա 19 հաղթանակ և 2 պարտություն պրոֆեսիոնալ ՄՄԱ-ում, որոնցից 10-ը նա ավարտել է վաղաժամ՝ սաբմիշններով։ Մարզիկը հայտնի է իր բարձր մակարդակի ըմբշամարտով և ջիու-ջիցուով, ինչը առաջիկա հանդիպումը դարձնում է հատկապես ինտրիգային։
ACBJJ 20-ի գլխավոր մենամարտը կմտնի կազմակերպության պատմության մեջ․ առաջին անգամ կխաղարկվի «Աստղերի գոտին»։ Այս տիտղոսը կհանձնվի Արման Ծառուկյան – Մեհդի Բայդուլաև սուպերմենամարտի հաղթողին։
Հիշեցնենք, որ Մոսկվայում կայանալիք ելույթից հետո Արման Ծառուկյանը հանդես կգա նաև գրեփլինգի մենամարտում Երևանում։ Նրա մրցակիցը կլինի Շարա Բուլլեթը, իսկ հանդիպումը կանցկացվի HYPE Fighting մրցաշարի շրջանակում։
Քննարկեք նորությունները!
Անցնել մեկնաբանություններին ↓
Comments
0